Вазорати кор ва ҳимояти иҷтимоии Қазоқистон гузориш дод, ки ин кишвар дар соли 2024 беш аз 22 ҳазор хориҷӣ барои кор дар ин кишвар ҷалб карда метавонад.
Дар ин гузориш омадааст: дар соли 2024, саҳмияи умумии ҷазби нерӯи кори хориҷӣ ба Қазоқистон 0.23 дарсад нисбат ба теъдоди нерӯи кор дар ин кишвар ё 22 ҳазор нафар таъйин шудааст.
Бар асоси иттилоот, саҳмияи ҷазби нерӯи кори хориҷӣ дар соли 2024 ба 4 даста тақсим шуданд, ки шомили 906 муҷаввиз барои мудирон ва муовинони онҳо, 5054 муҷаввиз барои раисои бахшҳои сохторӣ, 10 ҳазор ва 786 муҷаввиз барои коргарони моҳир ва 2 ҳазору 366 муҷаввиз барои кори фаслӣ мешавад.
Илова бар ин, барои соли 2024, саҳмияи ҷазби муҳоҷирони коргар барои кор дар хонаворҳо 3.1 дарсад нисбат ба нерӯи кор дар Қазоқистон ё 271.3 ҳазор воҳидҳо таъйин шудааст. Саҳмияҳои мубтанӣ бар ниёз корфармоён барои ҳифозат аз бозори кори дохилӣ истифода мешавад.
Дар ҳоли ҳозир 11 ҳазору 383 хориҷӣ бо муҷаввиз аз шаҳрдорӣ дар Қазоқистон машғул ба кор ҳастанд.
Соли 2023, саҳмияи ҷазби муҳоҷирони коргар барои кор дар хонаворҳо 305.8 ҳазор воҳид таъйин шуд. Шаҳрдорӣ барои 295 ҳазору 261 нафар муҷаввиз содир кард.