Теъдоди донишҷӯёни тоҷик, ки метавонанд дар макотиби олии Русия ройгон таҳсил кунанд, ба ҳазор нафар мерасад, ки бештар аз ҳама дар ИДМ аст.
Русия квотаи таҳсили донишҷӯёни тоҷикро афзоиш медиҳад.
Дар ин бора Владимир Путин, раисиҷумҳури Русия, зимни мулоқот бо Эмомалӣ Раҳмон, раиси ҷумҳури Тоҷикистон изҳор дошт.
Шумораи донишҷӯёне, ки дар мактабҳои олии Русия таҳсил хоҳанд кард, ба ҳазор нафар мерасад.
Барои тоҷикон дар соли хониши ояндаи 2024-2025 маҳз ҳамин қадар ҷои ройгон дода хоҳад шуд.
Путин гуфт:
“Дар миёни кишварҳои ИДМ бузургтарин квота дар Тоҷикистон аст – 900 нафар. Мо ин квотаро дар солҳои 2024 ва 2025 ба ҳазор нафар мерасонем”.
Сарвари Русия ҳамчунин ба Раҳмон барои таваҷҷуҳе, ки ба рушди забони русӣ ва равобит бо Федератсияи Русия дар маҷмӯъ дар арсаи башардӯстона зоҳир мекунад, изҳори сипос кард.
Қобили зикр аст, ки Русия ҳамасола шумораи ҷойҳои квотаро барои ҷавонони Тоҷикистон, ки мехоҳанд таҳсили русӣ гиранд, зиёд мекунад.
Ахиран раиси Маҷлиси миллии Тоҷикистон Рустами Эиомалӣ низ гуфта буд, ки ҳоло дар Русия беш аз 30 ҳазор донишҷӯйи тоҷик таҳсил доранд.
Вай ҳамзамон таъкид кард, ки давоми се соли ахир дар Тоҷикистон теъдоди онҳое, ки маълумоти олӣ бо забони русӣ гирифтанд ба беш аз 39 ҳазор нафар мерасад.
Муовини раиси Россотрудничество ба нақши ҳалкунандаи раисиҷумҳури Тоҷикистон дар қабули тасмим дар бораи афзоиши курсиҳо ишора кард.
Барои онҳое, ки мехоҳанд дар донишгоҳҳои Русия таҳсил кунанд, миқдори квотаҳо зиёд карда шуд.
Дар ин бора муовини раиси Россотрудничество Павел Шевтсов зимни ифтитоҳи намоишгоҳи байналмилалии “Маорифи Русияву Беларус” хабар дод.
Вай гуфт:
“Теъдоди квотаҳо барои соли хониши 2023-2024 ба 1000 адад расонида шуд”.
Шевтсов ҳамчунин нақши раисиҷумҳури Тоҷикистон Эмомалӣ Раҳмонро дар ин масъала зикр кард.
Қарор дар бораи ҷудо кардани курсиҳои иловагӣ мувофиқи хоҳиши роҳбари ҷумҳурӣ қабул шудааст, қайд намуд ӯ.
Илова бар ин, муовини раиси Россотрудничество таъкид кард, ки ин иқдом низ пас аз машваратҳо бо раҳбарияти Вазорати маорифи Тоҷикистон, ҳамчунин бо ҳамкорони рус ва мустақим бо сафири кишвар дар ҷумҳурӣ амалӣ шудааст.
Ёдовар мешавем, рӯзҳои 20 ва 21 май дар Китобхонаи миллии шаҳри Душанбе Намоишгоҳ-Ярмаркаи XI байналмилалии “Маорифи Русияву Беларус. Тоҷикистон” баргузор мешавад.
Довталабон, донишҷӯён, омӯзгорон ва волидон метавонанд дар бораи самтҳои муосири таҳсил дар 39 донишгоҳи Русия ва 10 донишгоҳи Беларус маълумот гиранд.
Гуфта мешавад, рӯзи 23 май ин ярмарка дар шаҳри Хуҷанд баргузор мегардад