Муддате аст, ки насли нави Амрико садои эътирози худро алайҳи ҷиноятҳои ваҳшиёнаи режими саҳюнистӣ алайҳи мардуму мазлуму бедифои Ғазза баланд кардааст. Дар ин навишта дар бораи ҷунбиши донишҷӯии азим дар Амрико ба баррасии сабабҳо, ангезаҳо ва натоиҷи мавриди интизори ин ҷунбиш пардохта хоҳад шуд; донишгоҳҳои Амрико, ки сутунҳои илму дониши ин кишварро ташкил медиҳанд, дар эътироз ба саҳнаҳои ҷиноят ва ваҳшигарии Исроил дар Навори Ғазза ва идомаи ҳимоятҳои номаҳдуди давлати Амрико аз таҷовузҳои Исроил, ба майдон омада ва қиём карданд.
Оғози ҷунбиши донишҷӯӣ барои ҳимоят аз Ғазза дар Амрико
Дар инҷо бояд таваҷҷуҳ кунем касоне, ки ин ҷунбишҳои мусоламатомезро раҳбарӣ мекунанд, донишҷӯёни донишгоҳҳои нухбаи Амрико монанд Колумбия, Бел, Нию-йорк ва Ҳорворд ҳастанд, ки аз мӯътабартарин ва бузургтарин донишгоҳҳои кулли ҷаҳон маҳсуб мешаванд.
Сипас мавҷи ин эътирозҳо ва эътисобҳо барои ҳимоят аз мардуми Ғазза аз донишгоҳҳои мазкур ба дигар донишгоҳҳои Амрико ва ҳамчунин кулли ҷаҳон кашида шуд ва дар ҳоли ҳозир беш аз 75 донишгоҳи бузурги амрикоӣ шоҳиди эътирозҳои мусоламатомез дар ҳимоят аз мардуми Фаластин ҳастанд. Ин ҷунбиши бузурги донишҷӯӣ ба донишгоҳҳои дигар кишварҳо ба вижа кишварҳои аврупоӣ ҳамчун Фаранса ва Австралия ва Англис, ки давлатҳои онҳо ҳомии таҷовузҳои саҳюнистҳо ҳастанд низ кашида шудааст.
Дар ин миён комилан равшан аст, ки давлати Амрико чунин ҷунбишеро як таҳдиди бузург медонад ва дар посух ба дархостҳои кобинаи Исроил ба раёсати Бенёмин Нетонёҳу шурӯъ ба саркӯби ин эътирозҳои мусоламатомез кардааст.
Дар ҳамин замина лозим аст, ки сабабҳо ва натоиҷи ин ҷунбиши донишҷӯӣ ва бархурде, ки мақомоти амрикоӣ бо он доранд ва низ таъсирҳои он бар ояндаи Амрико ва сиёсати Иёлоти Муттаҳида, ки ҳамвора худро муваззаф ба ҳимоят аз Исроил ва таҷовузҳои он медониста, баррасӣ шавад.
Бедории ҷаҳон дар ҷанги Ғазза
Дар рӯзҳои ибтидоии оғози ҷанги Ғазза режими саҳюнистӣ дар канори ҳомиёни амрикоӣ ва ғарбии худ талоши зиёде барои шайтон ҷилва додани ҷунбиши муқовимати исломии Фаластин кард ва дар иддаоҳои беасос ва воҳӣ муқовимати Фаластинро муттаҳам ба эъмоли хушунатомез ҳамчун сар буридани кӯдакон ва ҳамла ба ғайринизомиён ва ғайра кард. Аммо дурӯғ будани ин иддаоҳо билофосила фош шуд ва мардуми ҷаҳон бо мушоҳидаи тасвирҳои ҷиноятҳои зидди башарӣ ва ваҳшигарии низомиёни саҳюнист алайҳи мардуми Ғазза мутаваҷҷеҳи ҳақиқати чизе, ки дар Ғазза мегузарад шуданд.
Таҷовузҳои ваҳшиёнаи ишғолгарон дар бомбаборони бемористонҳо, мадрасаҳо, масҷидҳо, муассисаҳои омӯзишӣ ва беҳдоштӣ ва ғайра ва қатли оми аланӣ ва барқасдонаи кӯдакону занон аз ҳамон ҳафтаҳои ибтидоии ҷанг кофӣ буд, то афкори умумии дунё бедор шавад ва алайҳи Исроил иқдом кунад.
Аз ҳамин рӯ аз ҳафтаҳои ибтидоии ҷанги Ғазза хиёбонҳо ва майдонҳои Амрико ва кишварҳои ғарбӣ мамлув аз тазоҳуроткунандагоне шуд, ки ҷиноятҳои Исроилро маҳкум мекарданд ва хостори таваққуфи ҷанг буданд. Дар ин миён донишгоҳҳои амрикоӣ низ дар ин фаъолиятҳо ғоиб набуданд, аммо фаъолиятҳои онҳо ба шакли густардае, ки имрӯз шоҳиди он ҳастем набуд.
Ангезаҳои ҷунбиши донишҷӯии Амрико дар ҳимоят аз Ғазза
Аммо ба мурур ва бо даҳанкаҷии Исроил ба ҳамаи иқдомоти байналмилалӣ ва нодида гирифтани ҳамаи дархостҳо ҷиҳати таваққуфи ҷанги ваҳшиёна алайҳи ғайринизомиёни Ғазза, нухбагони донишгоҳҳои Амрико пешравии эътирозҳоро ба даст гирифтанд ва онро табдил ба як ҷунбиши бузург карданд ва бо вуҷуди хушунатҳое, ки алайҳи онҳо эъмол мешавад ва иқдомоти саркӯбгаронаи давлати Иёлоти Муттаҳида зидди ин донишҷӯён, онҳо боз ҳозир ба ақибнишинӣ нестанд.
Донишҷӯёне, ки дар ин эътирозҳои мусоламатомез ширкат кардаанд, хостори поёни ҷанги Ғазза ва қатъи ҳамкорӣ байни донишгоҳҳои Амрико бо муассисаҳои омӯзишии Исроил ва хуруҷи сармоягузориҳои Амрико аз ширкатҳои ҳомии режими саҳюнистӣ ҳастанд.
Ба думболи он эътирозҳои шаҳрвандони амрикоӣ ба ҳимояти молии номаҳдуди давлати Амрико аз режими саҳюнистӣ низ ташдид шуд ва онҳо таъкид мекунанд, ки намехоҳанд пуле, ки мардуми Амрико ба унвони молиёт ба давлат медиҳанд, ба ҷайби исроилиҳо биравад ва дар куштори мардуми бегуноҳ истифода шавад.
Инҷо набояд қудрати шабакаҳои иҷтимоиро нодида бигирем. Дар шароите, ки режими саҳюнистӣ ва ҳомиёни он талош доштанд дар раванди ҷанги Ғазза бар фазои маҷозӣ мусаллат шаванд ва аз он дар пешбурди аҳдофи худ ва нашри ривоятҳои дурӯғинашон истифода кунанд, аммо имрӯз шабакаҳои иҷтимоӣ ба шакли густарда табдил ба бистаре барои ифшои ҳақиқати таҷовузҳо ва ҷиноятҳои режими саҳюнистӣ алайҳи мардуми Фаластин шудаанд, ки чеҳраи воқеӣ ва ҷинояткори Исроилро барои мардуми дунё ошкор мекунад.
Аз сӯи дигар насли ҷадиди Амрико худашро таҳти фишорҳои сиёсӣ ва васвасаҳои ришваҳои молии саҳюнисмдӯстҳо ва яҳудигароҳо, ки ба шахсиятҳои сиёсӣ ва аъзои Конгрес пардохта мешавад, то ривояти дурӯғини Исроилро бипазиранд, намебинад. Насли ҷадиди Амрико ҳатто мехоҳад донишгоҳ ва давлати кишвараш аз ин фишорҳои нуфузҳои пайдову пинҳои саҳюнисм раҳоӣ ёбанд ва ба ҳақиқати ончи дар Фаластин мегузарад, таваҷҷуҳ кунанд.
Паёмҳои хезиши донишгоҳиёни Амрико; Амрикои зидди саҳюнисм
Аз ҳамин рӯ шоҳидем, ки шиорҳои бесобиқае монанди “озодии Фаластин аз хушкӣ то дарё” ва “Фаластини озод” бар сари забони ин ҷавонони амрикоӣ афтодааст ва онҳо ба навъе амалкард ва нақши муқовимат ва устувории афсонаии мардуми Фаластин дар баробари мошини куштори Исроилро таҳсин мекунанд.
Дар ин миён мақомоти амрикоӣ эътирозҳои мусоламатомези донишҷӯёнро “яҳудиситезӣ” хонда ва ба ин баҳона ба ваҳшиёнатарин шакли мумкин шурӯъ ба саркӯби донишҷӯён, тарсондани онҳо ва боздошташон карданд. Аммо бо ин вуҷуд, талошҳо барои шикастани эътирозҳо ва мутафарриқ кардани мӯътаризон ба вижа дар донишгоҳи Колумбия ба натиҷа нарасид, балки шӯълаҳои ин эътирозҳоро бештар кард ва ба бисёре аз донишгоҳҳои бузург ва мӯътабари Амрико густариш ёфт, ки нишондиҳандаи умқи эътиқоди ин донишҷӯён ба ормони онҳо дар таҳаққуқи адолат аст.
Ин иттифоқҳо ҳамчунин баёнгари умқи тағйири афкори умумии ҷомеаи амрикоӣ ба самти маҳкумият ва радди ривояти дурӯғини Исроил ва фирор аз фишорҳои нуфузии саҳюнисм аст ва нишон медиҳад, ки мардуми Амрико идомаи сайтараи саҳюнисм дар сиёсати хориҷии Амрикоро таҳаммул намекунанд.
Дар ин замина Сомӣ Урён, донишгоҳи фаластинӣ бо нашри навиштае дар шабакаи иҷтимоии Х эълон кард, ки ман чаҳор даҳа аст, ки дар Иёлоти Муттаҳида зиндагӣ мекунам ва 28 сол дар маҳофили донишгоҳии он будаам ва дар тамоми ин солҳо мушоҳида кардам, ки ироаи як ривояти зидди саҳюнистӣ дар Амрико чӣ андоза душвор аст, аммо имрӯз мебинем, ки ҷомеаи амрикоӣ дар ҳоли тағйири рӯйкарди худ нисбат ба саҳюнисм мебошад.
Исрори донишҷӯёни амрикоӣ барои пешбурди эътирозҳои худ сабаб шуд, то бисёре аз устодони донишгоҳҳо низ бо онҳо ҳамбастагӣ кунанд ва канорашон беистанд ва ҳатто дар тазоҳуротҳо ҳузур дошта бошанд. Ҳамчунин шоҳиди эҷоди мавонеи инсонӣ дар баробари полиси Амрико ҳастем, то иҷоза надиҳад полис ба донишҷӯён наздик шавад.
Амрико; аз шиори демокрасӣ то ҳақиқати диктаторӣ
Яке аз саҳнаҳои ҷолиби таваҷҷуҳ дар эътирозҳои мусоламатомези донишгоҳиёни Амрико барои ҳимоят аз Ғазза, ки бозтоби густардае дар шабакаҳои иҷтимоӣ доштааст дастбанд задан ба дастони хонуми Нуел Мак Офӣ, раиси гурӯҳи фалсафаи донишгоҳи Умурӣ дар Атланта аст ва фидокории вай дар ҳимоят аз мардуми мазлуми Фаластин улгуи илҳомбахш барои донишгоҳиёни амрикоӣ аст.
Аммо хушунати беш аз ҳадде, ки давлати Амрико алайҳи эътирозҳои мусоламатомези донишҷӯён ва донишгоҳиён анҷом медиҳад, баёнгари он аст, ки Иёлоти Муттаҳида дар воқеъ як кишвари диктаторӣ аст, ки ҳаргуна озодии баёнро саркӯб мекунад ва ҳамин масъала тардидҳои зиёде дар бораи шиорҳои демокрасӣ ва озодии баён дар Иёлоти Муттаҳида ба вуҷуд меоварад.
Бар бод рафтан сармоягузории нуфузи саҳюнизм дар донишгоҳҳои Амрико
Саҳнаҳое, ки имрӯз дар донишгоҳҳои Амрико мебинем, баёнгари шикасти фоҷиабори таблиғоти саҳюнистӣ аст; ҷое, ки нуфузи саҳюнисм аз замони таъсиси режими ҷаълии саҳюнистӣ дар соли 1948 токунун миллиардҳо доллар дар донишгоҳҳои Амрико аз ҷумла донишгоҳи Колумбия сармоягузорӣ карда буд ва бисёре аз намояндагони Конгрес ва мақомоти собиқ ва кунунии Амрико аз ҷумла Барак Обама, раиси ҷумҳури собиқи ин кишвар аз ин донишгоҳ фориғ-ут-таҳсил шуда буданд. Дар воқеъ талоши лояҳои нуфузии саҳюнисм бар ин буд, ки гурӯҳе аз раҳбарони ҳомии Исроилро дар донишгоҳи Колумбия парвариш диҳад, аммо имрӯз мебинем, ки ҳамин донишгоҳ табдил ба як бистари зидди саҳюнистӣ шуда ва раҳбароне, ки қарор аст аз он фориғ-ут-таҳсил шаванд, алайҳи саҳюнисм ҳастанд на канори он.
Саркӯби ваҳшиёнаи эътирозҳои мусоламатомези донишгоҳиёни амрикоӣ нишон медиҳад, ки ҷомеаи яҳудӣ дар Иёлоти Муттаҳида то чӣ андоза эҳсоси хатар мекунад. Бояд ба вокуниш ниҳодҳо ва мақомоти саҳюнистӣ ба ҷунбиши донишҷӯии Амрико дар ҳимоят аз Ғазза низ таваҷҷуҳ дошта бошем; ҷое, ки сервиси ҷосусии Моссад вақеҳона донишҷӯёни амрикоиро таҳдид мекунад ва Нетаняҳу хостори саркӯби тазоҳуроткунандагони амрикоӣ шуда ва мудирияти донишгоҳҳои Амрикоро ба шикаст дар муқобила бо яҳудиситезӣ муттаҳам мекунад.
Мудирияти донишгоҳҳои Амрико низ бо пайравӣ аз давлати ин кишвар ваҳшиёна дар ҳоли саркӯби донишҷӯён ҳастанд ва аз тарафи дигар аъзои Конгрес аз Байден хостаанд то гвардияи миллии Амрикоро барои муқобила бо мӯътаризон эъзом кунад.
Аммо бо вуҷуди ҳамаи ин иқдомоти саркӯбгарона ва бо вуҷуди боздошти садҳо нафар дар донишгоҳҳо ва ихроҷи бархе аз донишҷӯён аз донишгоҳҳои мӯътабар, ки ба маънои аз даст додани мадраки худ дар ин донишгоҳҳо ва аз байн рафтани фурсатҳои шуғлии онҳо аст ҳамчунон шоҳиди густариши фаъолиятҳои ин донишҷӯён дар ҳимояти аз мардуми Фаластин ҳастем, ки ҳеҷ тарсе аз ихроҷ шудан ва ё афтодан ба зиндон надоранд.
Маънои ин масъала он аст, ки як тағйири амиқ дар миёни насли ҷавони ғарб ва Амрико рух дода, ки рӯйкарди ҳокимони худро намепазиранд ва ба ҷои ҳимоят аз саҳюнисм дар муқобили он истодаанд ва аз мазлумони фаластинӣ дифоъ мекунанд. Аз сӯи дигар бо идомаи ин эътирозҳо ва саркӯби он тавассути давлати Амрико барои ҳамаи ҷаҳониён беш аз пеш ошкор мешавад, ки шиори демокрасӣ ва озодии баён дар Иёлоти Муттаҳида дурӯғи беш нест.
Бидуни шак ин вазъият паёмадҳои зиёде дар сатҳи мардумӣ ва сиёсии Амрико хоҳад дошт ҷое, ки ҷойгоҳи Исроил дар миёни мардуми Амрико таназзул карда ва нуфузи лояҳои нуфузии саҳюнисм коҳиш ёфта ва насли ҷавон дар Амрико ва Аврупо ҳеҷ тарси аз матарсак яҳудиситезӣ ва иттиҳомоте, ки дар ин замина ба онҳо ворид мешавад надоранд.
Ин насли ҷавон аз донишгоҳҳои фориғ-ут-таҳсил хоҳанд шуд, ки аз онҷо ба Конгрес ва ниҳодҳои сиёсии Амрико мунтақил мегарданд ва ин ба маънои он аст, ки бояд шоҳиди таҳаввули асосӣ дар сиёсати Амрико дар баробари режими саҳюнистӣ баъд аз ба қудрат расидани раҳбарони ҷадиди Иёлоти Муттаҳида дар оянда бошем.