Теъдоди бурсияи таҳсилии шаҳрвандони Тоҷикистон барои таҳсил дар донишгоҳҳои Русия афзоиш ёфтааст.
Намояндаи Созмони иртибототи байналмилалии Русия дар Тоҷикистон аз афзоиши шароити фурсати таҳсилии донишҷӯёни тоҷик (саҳмия ва бурсия) хабар дод.
Ба сомонаи “Тоҷ Вик”, Иван Иванов гуфт, дар соли 2022 бар асоси дархости Тоҷикистон, илова бар саҳмияи соли гузашта 120 нафари дигар аз шаҳрвандони Тоҷикистон метавонанд аз фурсати идомаи таҳсил дар Русия истифода кунанд.
Ба гуфтаи Иванов, акнун теъдоди саҳмияи таҳсилии донишҷӯёни тоҷик дар донишгоҳҳои Русия ба 750 маврид расидааст.
Намояндаи Созмони иртибототи байналмилалии Русия дар Тоҷикистон афзуд, дар ҳоли ҳозир дар донишгоҳҳои Русия 23 ҳазор донишҷӯи тоҷик таҳсил мекунанд.
Пештар дар хабарҳо омада буд :
Миёни Донишкадаи иқтисод ва савдои ДДТТ дар шаҳри Хуҷанд ва Институти тадқиқотҳои демографии Маркази илмӣ-тадқиқотии иҷтимоии федералии Академияи илмҳои Русия созишномаи ҳамкорӣ имзо шуд.
Бино ба гузориши хадаомти матбуотии раиси вилояти Суғд, ин созишнома иҷрои корҳои илмӣ-тадқиқотӣ, гузаронидани онлайн-лексияҳо ва тайёр кардани мутахассисони илмиро дар назар дорад.
Созишномаи ҳамкорӣ дар рафти мизи мудаввари байналмилалии илмӣ дар мавзӯи “Муаммоҳои иҷтимоӣ – демографии давлатҳои ИДМ дар марҳилаи COVID-19” бо ширкати меҳмонони ватаниву хориҷӣ баргузор гардид.
Дар рафти ҷаласа директори Донишкадаи иқтисод, номзади илмҳои иқтисодӣ Ҳошимзода Ҳомид бо сухани ифтитоҳӣ баромад намуда, меҳмононро хайрамақдам гуфт.
Олимони рус ва тоҷик дар мавзуъҳои гуногун, аз ҷумла “Рушди демографии давлатҳои ИДМ: 30 соли пошхӯрии ИҶШС”, “Муҳоҷирати иқлимӣ ҳамчуни тренди муосир” ва “Муҳоҷирати таълимӣ дар шароити ҷаҳонишавӣ” маъруза карданд.
Дар фазои тантанавӣ аз тарафи директори Донишкадаи иқтисод ва савдои ДДТТ Ҳошимзода Ҳомид ба директори Институти тадқиқотҳои демографии Маркази илмӣ-тадқиқотии иҷтимоии федералии АИ Русия Рязансев Сергей Василевич дипломи профессори фахрии донишкада супорида шуд.
Мизи мудаввар бо ширкати меҳмонони ватаниву хориҷӣ дар фазои дӯстона бо муҳокимаҳои илмӣ ва баррасии як қатор пешниҳодҳои судманд ба анҷом расид.