Вохӯрии вазирони корҳои хориҷии Ҷумҳурии Тоҷикистон ва Ҷумҳурии Узбекистон дар шаҳри Тошканд баргузор гардид.
Ба нақл аз сомонаи Вазорати корҳои хориҷии Ҷумҳурии Тоҷикистон, вохӯрии вазирони корҳои хориҷии Ҷумҳурии Тоҷикистон ва Ҷумҳурии Узбекистон Сироҷиддин Муҳриддин ва Бахтиёр Саидов дар шаҳри Тошканд баргузор гардид.
Зимни мулоқот ҷонибҳо вазъи кунунӣ ва дурнамои муносибатҳои дуҷониба ва ҳамкорӣ дар ҳошияи созмонҳои байналмилалӣ ва минтақавиро мавриди баррасӣ қарор доданд.
Ҳамзамон масъалаҳо вобаста ба омодагӣ ба сафари давлатии Президенти Ҷумҳурии Узбекистон ба Ҷумҳурии Тоҷикистон баррасӣ шуданд.