Болоравии нархи патент барои муҳоҷирони корӣ

Маоши муҳоҷирони корӣ дар он бахшҳое, ки фаъолият доранд, афзоиш ёфтаст ва мутаносибан ҳаққи патент дар Маскав низ боло бурда мешавад, гуфт шаҳрдорӣ.

Маоши муҳоҷирони корӣ дар он бахшҳое, ки фаъолият доранд, афзоиш ёфтаст ва мутаносибан ҳаққи патент дар Маскав низ боло бурда мешавад, гуфт шаҳрдорӣ.

Шаҳрдори Маскав, Сергей Собянин арзиши патентро барои муҳоҷирони корӣ дар соли 2023 тасдиқ кард.

Бар асоси қарори шаҳрдорӣ, соли оянда муҳоҷиронро зарур меояд, барои патент моҳе 6,6 ҳазор рублро пардохт намоянд. Соли равон ин нишондиҳанда ба 5,9 ҳазор рубл дар як моҳ баробар мебошад.

Маврид ба зикр аст, ки шаҳрвандони чаҳор кишвар – Тоҷикистон, Ӯзбекистон, Молдова ва Озарбойҷон барои кор дар Русия патент мегиранд, ки қисми зиёдашон ба шаҳру вилояти Маскав рост меояд.

Қаблан мақомдори бахши рушди иқтисоди Маскав, Даря Мурченко изҳор дошт, ки соли 2022 маоши расмии муҳоҷирон дар бахшҳое, ки фаъолият доранд ҳудуди 11,5% афзоиш ёфт ва мутаносибан ҳаққи патент низ боло бурда мешавад.

Интизор меравад, ки аз ҳисоби болоравии нархи патент дар Маскав буҷаи пойтахти Русия даромади иловагӣ ба андозаи 3 млрд рубл гирад. Таъкид мегардад, ки ҳамин тариқ сарбории андозии муҳоҷирони корию шаҳрвандони муқимӣ баробар карда мешавад.

Қаблан хабар дода шуд, ки нархи патент дар минтақаи маъруфи дигар миёни муҳоҷирон – шаҳри Санкт-Петербург ва вилояти Ленинград аз 4200 то 4400 боло бурде мешавад. Дар вилояти Самара ҳаққи патент, ки феълан ҳудуди 4,4 ҳазор рубл аст, то 5,7 ҳазор рубл боло меравад.

Пештар дар хабарҳо омада буд :

Ҳаҷми бозори интиқоли пул аз Русия ба кишварҳои ҳамсоя  дар 6 моҳи охир фаъолона афзоиш ёфт.

Асосан ба Тоҷикистон, Қирғизистон, Ӯзбакистон ва Арманистон пул фиристода мешавад.

Ҳаҷми интиқол аз Русия ба кишварҳои ҳамсоя ба таври назаррас афзоиш ёфтааст. Дар ин бора намояндагони бонкҳои бузурги Русия гуфтанд.

Онҳо маълумотро аз моҳи август то сентябр ва аз сентябр то октябр муқоиса кардаанд. Афзоиши ҳаҷми интиқол дар охири моҳи аввали тирамоҳ оғоз ёфт.

Ҳамин тариқ, муштариёни яке аз бонкҳо ба кишварҳои дӯст ба маблағи 2,1 миллиард рубл зиёда аз 7000 амалиёти интиқол анҷом доданд.

Чунин нишондод давоми моҳҳои август-сентябр аз рӯи миқдори интиқол сеяк ва аз рӯи ҳаҷм ду баробар зиёд шуданд.

Бештари пул ба Белорус, Қазоқистон ва Арманистон фиристода шудааст.

Ҳоло талабот ба чунин амалиёт мӯътадил шуда, дар сатҳи арзишҳои миёна қарор дорад.

Намояндагони як бонки маъруфи дигар қайд карданд, ки аксари муштариён бо истифода аз рақами телефон пул интиқол додаанд. Асосан бо ин роҳ ба Ӯзбекистону Тоҷикистон маблағ фиристода шудааст.

Коршиносон қайд карданд, ки ҳаҷми бозори интиқоли фаромарзӣ дар шаш моҳи охир афзоиш ёфтааст. Аксари онҳо ба Қирғизистон, Тоҷикистон, Ӯзбекистон ва Арманистон содиқанд.

 

Андешаи Шумо

Адреси почтаи шумо нашр намешавад