Ба гузориши ТоҷикПресс, раисиҷумҳури Русия, Владимир Путин бар ин назар аст, ки кишварҳои ғарбӣ Русияро масъули маҳви мустамликадорӣ дар ҷаҳон медонанд, аммо ин раванд ногузир буд.
Вай шаби гузашта дар нишасте бо мақомоти Вазорати умури дохилии Русия гуфт: Ин нигаронии таърихӣ ҳамчунон дар ғарб вуҷуд дорад ва бархе ҳануз Русияро ба хотири ин воқеият сарзаниш мекунанд, ки замоне бархи аз онҳо қудрати мустамликагирии худро аз даст доданд. Онҳо ҳаргиз ранҷиши худ аз моро канор намегузоранд барои ин ки ба таври нисбӣ Русия ба мардуми Африқо, Амрикои Лотин ва бисёре аз кишварҳои осиёӣ кумак карда то дубора ба худ такя кунанд ва барои озодӣ мубориза кунанд; бинобар ин дар ғарб муътақиданд, ки Русия муқассири нобуди истеъмор аст; ҳарчанд ин асло дуруст нест.”
Ба ақидаи Путин, иқдомоти Иттиҳоди Ҷамоҳири Шуравӣ равандеро тасриъ кард, ки аз қабл ногузир буд. Ба гуфта ӯ, ҷаҳон дар ҳоли тағйири шакл аст зеро неруҳои ҷадиде бо суръат дар ҳоли тавсеа ҳастанд, ки қаблан ҳаргиз иттифоқ наафтодааст.
Путин: Ғарб кӯшиш дорад аз шикасти Наполеон ва Гитлер интиқом бигирад
Владимир Путин дар нишасти худ бо мақомоти Вазорати умури дохилӣ ёдовар шуд, ки ғарб пас аз лашкаркашиҳои номуваффақ алайҳи Русия дар қарнҳои гузашта, аз ҷумла Фаронса дар замони Наполеон ва Олмони Нозӣ, хостаи интиқомҷӯёна нисбат ба ин кишвар пайдо кардааст. Ба гуфтаи ӯ, аз ин қабил намунаҳои таърихӣ фаровон аст.
Раисҷумҳури Русия афзуд: Касоне дар ғарб мекӯшанд то ба ҳазинаи мо, қудрати худ дар дунёи ба суръат дар ҳоли тағйири имрӯзаро ҳифз кунанд.
Вай ҳамчунин ёдовар шуд, ки Русия дар давраи душворе аз таърихи худ қарор дорад ва бадхоҳони он аз замони фурӯпошии Иттиҳоди Ҷамоҳири Шуравӣ мехостанд ин кишварро вайрон кунанд ва ончи аз он боқӣ мемонад ва баъд аз ҷудо кардани ҷумҳуриҳои мухталиф, яъне ҳастаи асосии кишварро таҳти султаи худ дароваранд.
Раисҷумҳури Русия тавсеаи ифротгароиро бо муҳоҷирати ғайриқонунӣ дар иртибот донист
Дар ин мулоқот Владимир Путин таъкид кард, ки муҳоҷирати ғайриқонунӣ аксар вақт як минбари фаъолиятҳои ифротгароӣ, ҷиноятҳои ҷиноӣ ва таҳрики идеологӣ аз ҷониби воизони бардурӯғ ва вебсайтҳост.
Ӯ дар айни ҳол бо ишора ба ин ки ҳамалоти террористии ахир ҳамтароз бо идеологияи насионализми ифротӣ мебошад, таъкид кард, ки истифода аз чунин рӯйдодҳои ғамангез барои таҳрики нафрати миллӣ, бегонаҳаросӣ ва исломиҳаросӣ ғайриқобили қабул аст ва ҳеҷ кас набояд дар чунин ҷиҳатгирие гом бардорад.