Ба гузориши манобеи хабарӣ, “Тензила Нарбоева” раиси Сенати Узбакистон ва “Рустами Эмомалӣ” раиси маҷлиси миллии Тоҷикистон дар шаҳри “Душанбе” бо якдигар дидор ва санадеро дар мавриди таҳкими равобити парлумонӣ имзо карданд.
Ин дидор дар чорчуби ҳузури ҳайати Узбакистон дар нишасти давраӣ диалоги занон – раҳбарони Осиёи Марказӣ дар шаҳри “Душанбе” пойтахти Тоҷикистон баргузор шуд.
Дар ин дидор ба тавсеа ва таҳкими равобити дуҷониба таваҷҷуҳи хос ва густариши беш аз пеши ҳамкориҳои ҳамаҷониба байни Узбакистон ва Тоҷикистон дар заминаҳои иқтисодӣ ва бозаргонӣ, фарҳангӣ ба хусус созмонедҳии муассири гуфтугӯи байни парлумонӣ баррасӣ шуд.
Ҳамчунин дар мавриди ташдиди беш аз пеши фаъолияти гурӯҳҳои дӯстии эҷод шуда тавассути парлумонҳои ду кишвар табодули назар шуд.
Равобити иқтисодӣ ва бозаргонӣ байни Узбакистон ва Тоҷикистон дар 5 соли гузашта бо суръат тавсеа ёфтааст. Дар ин дидор бар аҳамияти анҷоми корҳои муштарак дар сатҳи қонунгузорӣ барои расондан ба як миллиард доллар мубодилоти бозаргонӣ таъкид шуд.
Дар ин дидор ҳамчунин бар сатҳи болои баргузории маросимҳои мухталифи фарҳангӣ таъкид ва дар мавриди анҷоми иқдомоти муассир барои тавсеаи гардишгарии зиёратӣ тавофуқ ба даст омад.
Дар поёни ин дидор қарордоде дар мавриди ҳамкории байни маҷлиси Сенати Узбакистон ва маҷлиси миллии Тоҷикистон имзо шуд.
Тарафайн ҳамчунин дар мавриди танзим ва тасвиби «нақшаи роҳ» дар такомули созу кори назарсанҷии муштараки иҷроӣ тавофуқоти ба даст омада дар чорчуби сафарҳои дар сатҳи олӣ, табодули таҷрибиёт дар заминаҳои фаъолияти парлумонӣ, барқарории равобит байни намояндагони устон ва ноҳияҳои марзӣ ба тавофуқ расиданд.
Тоҷикистон яке аз муҳиммтарин ҳамкорони бозаргонии Узбакистон аст. Мубодилоти бозаргонии ду кишвар дар 11 моҳи соли 2022 мелодӣ дар сатҳи беш 503 миллион доллар қарор гирифтааст. Ҳамакнун дар Узбакистон 24 ширкат аз ҷумла 1 ширкат бо 100 дарсад сармояи сармоягузорони Тоҷикистон ва дар Тоҷикистон низ 9 ширкат бо сармояи сармоягузорони Узбакистон фаъолият мекунанд.
Тоҷикистон истиқлоли Узбакистонро дар таърихи 6 январ соли 1992 мелодӣ ба расмият шинохта ва дар таърихи 20 октябри соли 1992 мелодӣ равобити дипломатик барқарор кардааст.