Ҳойим Ромун, вазири додгустарии пешини режими саҳюнистӣ дар мусоҳибае гуфт, ки ҷанг дар Ғазза ба поён расида ва Исроил дучори шикасти стратегӣ шудааст.
Ҳойим Ромун, вазири додгустарии пешини режими саҳюнистӣ (2006) ва муовини пешини нахуствазири ин режим (2007) дар як мусоҳиба ба шикасти стратегӣ дар Ғазза эътироф кард.
Ӯ дар посух ба саволи хабарнигори рӯзномаи Маориу дар бораи инки «оё ҷанг дар Ғазза поён ёфтааст?»; гуфт: «мутаассифона бале, мутаассифона як пирӯзии тактикӣ вуҷуд дорад, аммо як шикасти стратегӣ низ вуҷуд дорад, мо ба ҳеҷ як аз аҳдофи таъйиншуда тавассути давлат нарасидаем.»
Вай бо баён инки «ҳамлаи заминӣ ба иштибоҳи оғоз шуд ва бо шиддат фақат ба самти шимоли Навори Ғазза анҷом шуд», идома дод: «мо якуним миллион овораро ба ҷануби мунтақил кардем ва акнун ба Рафаҳ нахоҳем рафт, чун як миллион ва ним овора вуҷуд дорад, ин мушкили Амрико нест, мушкили мо дар наҳваи бархурд бо онҳост».
Ҳойим Ромун бо иддаои «фурӯпошии Ҳамос аз лиҳози низомӣ» изъон кард: «онҳо ҳанӯз рӯи пойи худ истодаанд, ҳадафи нобудии Ҳамос будем, бидуни ҳукмронӣ дар Ғазза фурӯпошии Ҳамос ғайри мумкин аст».
Ин вазири пешини режими саҳюнистӣ ҳамчунин гуфт, ки ҳадафи артиши ишғолгар ин буд, ки бо афзоиши фишори низомӣ, Ҳамос асирони исроилиро озод кунад, «аммо ин иттифоқ наафтод».
Ӯ таъкид кард: «аҳдофи ҷанг бо гузашти 6 моҳ бароварда нашудааст ва дар ин муддат мо вориди як тангнои бузург шудем, мо ҳатто ба нобудии Ҳамос наздик ҳам нашудаем».
Ромун дар идома аз Ҳартзи Ҳолуи, раиси Ситоди муштараки артиши ишғолгар хост, то масъулияти шикастро бипазирад ва канорагирӣ кунад.