Ба гузориши манобеи хабарӣ, тасвиби қатъномаи оташбаси Шӯрои Амнияти Созмони Милал, ки бар таваққуфи фаврии ҷанг дар Ғазза таъкид дорад, дар шароите тасвиб шуд, ки Амрико аз ҷонибдории сареҳ аз мақомоти Телавив худдорӣ кард ва хашми мақомоти саҳюнистро барангехт.
Аъзои Шӯрои Амнияти Созмони Милали Муттаҳид, дирӯз душанбе ва барои нахустин бор аз оғози ҷанги Ғазза дар ҳафтуми октябр ба қатъномаи пешниҳодии аъзои Шӯрои Амният дар бораи мафодди оташбаси пешниҳодии қатъномаи (2728) Шӯрои Амният дар 25 март 2024 пас аз раъйи мумтанеи Амрико раъйи мусбат дод.
Ин қатънома рӯзи душанбе бо 14 раъйи мусбат ва як раъйи мумтанеъ, ки тибқи мафодди он, бар оташбаси фаврӣ дар ҷанги Исроил бо Ҳамос дар Навори Ғазза дар моҳи Рамазон ва озодии фаврии ҳамаи гаравгонҳои исроилӣ таъкид шуда, тавассути аъзои Шӯрои Амнияти Созмони Милали Муттаҳид тасвиб шуд.
Қатънома ба шумораи 2728 мусавваби Шӯрои Амният дар 9586 шашумин ҷаласаи кории худ дар рӯзи 25 марти 2024 тасвиб шуд.
Ҷузъиёти қатъномаи тасвиб шуда
Матни комили қатъномаи 2728 Шӯрои Амнияти Созмони Милали Муттаҳид аст, ки дар 25 марти 2024 пас аз раъйи мумтанеи Амрико ба тасвиб расид, ба шарҳи зер аст:
Шӯрои Амнияти Созмони Милали Муттаҳид бо таваҷҷуҳ ба аҳдоф ва усули маншури Созмони Милали Муттаҳид ва бо ёдоварии тамоми қатъномаҳои Созмони Милал дар мавриди вазъиятИ Ховари Миёна, аз ҷумла масъалаи Фаластин, зимни такрори дархости худ аз ҳамаи тарафҳо хостори пойбандии тарафҳо ба тааҳҳудоти худ бар асоси қавонини байналмилалӣ, аз ҷумла ҳуқуқи байналмилалии башардӯстона ва қонуни байналмилалии ҳуқуқи башар аст.
Ин шӯро ҳамчунин аз тамоми ҳамалот алайҳи ғайринизомиён ва аҳдофи ғайринизомӣ ва ҳамчунин ҳаргуна хушунат ва хусумат алайҳи ғайринизомиён ибрози таассуф мекунад ва ёдовар мешавад, ки тамоми иқдомоти террористӣ ва гаравгонгирӣ бар асоси қавонини байналмилалӣ мамнуъ аст.
Қатъномаи Шӯрои Амният бо ибрози нигаронии амиқ аз вазъияти фоҷиабори инсонӣ дар Навори Ғазза аз талошҳои дипломатики мустамари Миср, Қатар ва Амрико ба манзури таваққуфи даргириҳо, озодии гаравгонҳо ва фароҳам кардан ва тавзеъи кумакҳои башардӯстона қадрдонӣ мекунад.
- Хостори оташбаси фаврӣ барои моҳи мубораки Рамазон аст, ки мавриди эҳтироми ҳамаи тарафҳо бошад ва мунҷар ба оташбаси пойдор шавад. Ҳамчунин хостори озодии фаврӣ ва бидуни қайду шарти ҳамаи гаравгонҳо, тазмини дастрасии башардӯстона барои рафъи ниёзҳои пизишкӣ ва соири ниёзҳои башардӯстона аст. Илова бар ин аз тарафайн дархост мекунад, ки ба тааҳҳудоти худ таҳти қавонини байналмилалӣ дар робита бо тамоми афроде, ки боздошт ҳастанд; амал кунанд.
- Бар ниёзи фаврӣ ба густариши ҷараёни кумакҳои башардӯстона ва ба тақвияти ҳифозат аз ғайри низомиён дар кулли Навори Ғазза таъкид мекунад ва тақозои худ барои рафъи ҳамаи мавонеъи ироаи кумакҳои башардӯстона дар миқёс ва мутобиқ бо ҳуқуқи байналмилалии башардӯстона ва ҳамчунин қатъномаҳои 2712 (2023) ва 2720 (2023)-ро такрор мекунад.
- Тасмим мегирад, ки фаъолона мавзӯъро таҳти контрол дошта бошад.