Ба гузориши ТоҷикПресс, ба нақл аз манобеи хабарӣ, сафорати Русия дар Душанбе эълом кард, ки Кумитаи давлатии сармоягузории Тоҷикистон аз тарҳҳои муштарак бо Русия пуштибонӣ хоҳад кард.
Гуфта мешавад, ки ин тавофуқ дар ҷараёни музокироти сафири Русия дар ҷумҳурӣ Семён Григорев ва намояндаи тиҷорат Евгений Коренков бо раиси нави кумита Султон Раҳимзода ҳосил шудааст.
Сафорати Русия дар Душанбе таъкид кард: “Семён Григорьев ба Султон Раҳимзода дар бораи як қатор лоиҳаҳои муштараки Русияву Тоҷикистон, ки дар ҳоли таҳия қарор доранд, маълумот дод”.
Ҷонибҳо ҳамчунин вазифаҳои президентҳои Русия ва Тоҷикистон Владимир Путин ва Эмомалӣ Раҳмонро, ки дар заминаи рушди ҳамкориҳои муштараки сармоягузорӣ ба миён гузоштаанд, баррасӣ карданд.
Сафорати Русия дар Душанбе афзуд: “Раиси Кумитаи давлатии сармоягузорӣ дар навбати худ итминон дод, ки ниҳодаш барои рушди муносибатҳои дутарафа ҳамаҷониба мусоидат хоҳад кард”.
Қаблан Эмомалӣ Раҳмон, раиси ҷумҳури Тоҷикистон барои ширкат дар маросими ифтитоҳи Бозиҳои оянда, ки дар он ҷо бо ҳамтои русаш Владимир Путин музокирааш сурат гирифт, бо як сафари расмӣ дар шаҳри Қазон қарор дошт.
Раисиҷумҳури Русия, дар навбати худ, таъкид кард, ки равобити ду кишвар бомуваффақият рушд мекунад ва ҳеҷ мушкиле нест, ки ҳал нашавад. Вай афзуд, ки ин аз ҷумла ба шарофати муносибатҳои шахсии сарони давлатҳо сурат мегирад.
Раҳмон таваҷҷуҳро ба он ҷалб кард, ки дар муносибатҳои байни давлатҳо мушкили ҳалношуда тақрибан вуҷуд надорад. Вай гуфт, ки нозукиҳо вуҷуд доранд, ки барои онҳо роҳи ҳалли қобили қабул ҳатман пайдо мешавад.