Дар идомаи ҳимоятҳои пайвастаи мардуми Туркия аз мардуми Фаластин дар Навори Ғазза, садҳо нафар аз мардуми шаҳри Диёрбекр бо ҳузур дар хиёбонҳо ҷиноятҳои режими саҳюнистиро маҳкум карданд.
Ба нақл аз Шаҳобниуз, садҳо нафар аз мардуми шаҳри Диёрбекр бо ҳузур дар хиёбонҳо зимни маҳкумияти ҷиноятҳои режими саҳюнистӣ дар Навори Ғазза, хостори таваққуфи ҷанг ва барқарории оташбаси фаврӣ дар ин борика шуданд.
Бархе аз тазоҳуроткунандагон либосҳои муҷоҳидони Қассом, шохаи низомии Ҳамосро ба тан карданд ва ҳамчунин аксҳое аз Абӯубайда, сухангӯи гурдонҳои Қассом низ дар ҳошияи ин тазоҳурот насб шуда буд.
Рӯзи якшанбе ҳам як созмони мардумниҳод мавсум ба «платформи ҳамбастагӣ бо Ғазза» дар Истамбул роҳпаймоӣ баргузор кард. Ин роҳпаймоӣ аз минтақаи сорочхона оғоз шуд ва дар майдони боязид ба поён расид.
Ширкаткунандагон, ки дар миёни онҳо кӯдакон низ ба чашм мехӯрданд, илова бар парчамҳои Туркия ва Фаластин, плакардҳои ҳовии навиштаҳое дар маҳкумияти ҳамалоти ишғолгарони Қудс ба Ғаззаро ҳамл карда ва хостори таваққуфи ҳамалоти режими саҳюнситӣ ба Ғазза ва поёни қатлу куштори кӯдаконро талаб карданд.