Ба гузориши як мақоми огоҳи идораи тандурустии Бағдод, шумори қурбониёни инфиҷори бомб дар бозори “Ал-Ваҳилот”-и шаҳраки Садр ба 30 нафар ва шумори маҷрӯҳон низ ба 60 нафари расид .
Мақомоти Ироқ бо ишора ба идомаи амалиёти имдоду наҷот дар маҳали ҳодиса, аз эҳтимоли афзоиши шумори қурбониён ва маҷрӯҳон хабар доданд .
Вазорати тандурустии Ироқ, дар пайи ин инфиҷор, тамоми кадри дармонӣ дар бемористонҳоро барои кӯмак ба ин маҷруҳон басиҷ кард .
Мустафо Ал-Козимӣ, нахуст вазири Ироқ низ дастур дод то фармондаҳи масъӯли минтақаи вуқуъи инфиҷор дастгир ва дар робита бо ин ҳодиса таҳқиқот оғоз шавад .
Фард ё гурӯҳе ҳануз масъӯлияти ин ҳамларо бар уҳда нагирифтааст .
Барҳам Солеҳ, раиси ҷумҳури Ироқ низ тайи паёме дар Тветар, бо ишора ба вуқуъи ин ҳамла дар остонаи иди саиди Қурбон эълом кард : намехоҳанд мардуми Ироқ ҳатто лаҳзае ҷуръаи хушбахтиро бичашанд .
Солеҳ, ҳамчунин таъкид кард, ки давлати Ироқ ба мубориза бо тероризм то реша кан кардани комили он идома хоҳад дод .