Ба гузориши ТоҷикПресс, Абдулборӣ Атвон, таҳлилгари шинохта шудаи ҷаҳони араб дар мақолаи ҷадиди худ ба мавзӯи эътирозоти густардаи зидди исроилӣ дар донишгоҳҳои Амрико ишора карду навишт, ман ҳаргиз дар зиндагиам чеҳрае ба бадии Бенямин Нетаняҳу, нахуствазири режими ишғолгар надидаам, ки бо интишори наворе дар шабакаи иҷтимоии Х инқилоби донишҷӯӣ дар донишгоҳҳои Амрикоро маҳкум карда ва онро баробар бо яҳӯдситезӣ донист.
Бузургтарин дастоварди Нетаняҳу барои султа бар афкори умумӣ нобуд шуд
Атвон дар ин мақолаи худ эълом кард, ки Нетаняҳу Амрикоро ба хубӣ мешиносад ва ба ҳамин далел медонад, ки густариши ин инқилоби донишҷӯӣ мумкин аст то сарнагӯнии кабинаи нажодпарасти Исроил идома дошта бошад, мушобеҳи иттифоқе, ки дар замони ҷанги Ветнам ва низоми фашисти нажодпараст дар Африқои Ҷанубӣ рух дод; яъне замоне, ки инқилобҳои донишҷӯии Амрико шурӯъ шуд ва то замони расидан ба аҳдофи комили худ дар таваққуфи ҷангҳои Ветнам ва ҳамчунин суқути низоми нажодпараст дар Африқои Ҷанубӣ ва нобудии қавонини нажодпарастона алайҳи сиёҳпӯстон дар Амрико мутаваққиф нагашт.
Барасоси ин ёддошт, Нетаняҳу бузургтарин дастоварди худро барои сайтара бар афкори умумӣ, таъсиси ниҳоди таблиғотии “Ҳасбара” медонад, ки ҳамроҳ бо шарики худ “Тони Блэр, нахуствазири асбақи Англис бо ҳазинаи беш аз як миллиарду ним доллар дар сол бо ҳадафи гумроҳ кардани афкори умумӣ ва дурӯғи пароканӣ таъсис кард то аз он алайҳи мухолифони ҷиноятҳо ва кушторе, ки режими саҳюнистӣ дар Фаластини ишғолӣ ба роҳ андохтааст истифода кунад. Аммо имрӯз Нетаняҳу мебинад, ки ин дастоварди ӯ дар саркӯби озодии баён ба шакле шитоб зада ва сареъ дар донишгоҳҳои Амрико дар ҳоли нобудӣ аст ва дастоварди бузурги вай охирин нафасҳои худро мекашад. Ҳамаи инҳо ба баракати устуворӣ ва муқовимату пойдории мардуми Ғазза ва хуни шаҳидони он аст. Ин инқилоби ифтихоромези донишҷӯӣ дар донишгоҳҳои Амрико ормони одилонаи Фаластинро ба мавзӯи рӯз дар дохили Амрико ва конуни даргирии сиёсӣ миёни наслҳову муборизаи қонунӣ ҷиҳати эҳёи арзишҳои адолату озодӣ ва таваққуфи ҷангҳои наслкушӣ ва нажодпарастӣ дар ҳамаи ашколи он табдил кардааст.
Чанд далели ваҳшати саҳюнистҳо аз хезиши донишҷӯии Амрико
Атвон таъкид кард, ончи, ки ҷунбиши саҳюнизм ба роҳбарии Нетаняҳу ва монанди ӯро нигарон мекунад густариши ин инқилоби донишҷӯӣ дар Амрико ва кашида шудани он ба соири донишгоҳҳост ва мумкин аст ба Аврупо ва Ховаримиёна ҳам кашида шавад. Дар инҷо чанд далел барои нигаронии саҳюнистҳо аз ин инқилоби донишҷӯӣ дар донишгоҳҳои Амрико вуҷуд дорад, ки ба ин шакл аст:
– Аввал ин ки ин инқилоб дар донишгоҳҳои вижаи Амрико монанди Кулумбия дар Ню-Йорк, ки дежи лобии саҳюнизм аст ва ҳамчунин донишгоҳи Ҳарвард дар Бостон оғоз шуда ва ин бемаъност, ки насли ояндаи Амрико ҳаргиз монанди падарону аҷдоди худ таҳти таъсири дурӯғҳои саҳюнизм қарор нахоҳанд гирифт. Бояд тавваҷуҳ кунем, ки ин донишҷӯён, ки таҳти саркӯбгарӣ ва боздошт тавассути давлати Амрико қарор гирифтаанд аз қишри оддии ҷомеа нестанд балки онҳо фарзандони намояндагони конгресс ва сенаи бозаргонону табақаи сиёсии ҳоким дар Амрико мебошанд ва дар ҳақиқат ин донишҷӯён раҳбарони ҷадиди Амрико хоҳанд буд.
– Таҳрик барои саркӯби ин инқилоби донишҷӯӣ дар Амрико алайҳи ҷиноятҳои неозисмҳо дар Ғазза тавассути режими саҳюнистӣ, ки худро муддаии қурбонӣ будани нозисм медонад, хиёнате аст, ки раҳбарони ин инқилоби донишҷӯӣ дар Амрико ҳаргиз онро фаромӯш нахоҳанд кард.
– Ҳузури теъдоди зиёде аз донишҷӯёни яҳудии амрикоӣ дар ин инқилоби донишҷӯӣ ва барафроштани парчами Фаластин ва пӯшидани намоди Фаластин тавассути ин донишҷӯҳо ба монанди як торсаки муҳкам ба сурати Нетаняҳу ва ифшои дурӯғ будани ҳамаи иттиҳомоти вай алайҳи донишҷӯён дар бораи яҳудиситезии онҳо мебошад.
– Ин инқилоби донишҷӯӣ дар Амрико сайтараи саҳюнизм бар расонаи ҷаҳониро аз байн бурда ва монеи ҳамсӯ шудани афкори умумӣ бо меъёрҳои режим ишғолгар гаштааст ва ин сайтараи саҳюнистҳо бар расона ва афкори умумии ҷаҳон дар ҳоли нобуд шудан мебошад.
– Афзоиши огоҳӣ ва эътиқоди маҳкам дар миёни афкори умумии амрикоиҳо дар бораи ин ки ҳимояти молӣ ва таслеҳотии давлати ин кишвар аз ҷиноятҳои Исроил дар Ғазза, муҷиби ба хатар афтодани Амрико ва манофеи он дар саросари ҷаҳон мешавад ва ин кишварро таҳти фишори лобии саҳюнизм ва ҳомиёни он ба самти ҷанг мекашонад ва сабаби ҳадаррафти пули молиётдиҳандагони амрикоӣ мешавад, аз ҷумлаи дигар далоили нигаронии саҳюнистҳо аз ин инқилоби донишҷӯӣ дар Иёлоти Муттаҳида аст.
– Таҳрик барои саркуби ин инқилоби донишҷӯӣ дар Амрико талоше аз ҷониби режими фашист ва диктатори саҳюнистӣ барои саркӯби озодии баён аст, он ҳам дар куҷо? Дар донишгоҳҳое, ки ғарбиҳо ба унвони намоди фарҳангу низоми сиёсии худ ба он меболиданд.
Дар идомаи мақолаи Атвон таъкид шудааст, ки авҷи зиштӣ ва беҳурматӣ ба Амрико ва инқилоби мусолиматомези донишҷӯии он, дархости Итамар Бен Говер, вазири амнияти дохилии кабинаи фашисти режими саҳюнистӣ барои таъсиси гуруҳҳои ниманизомии мусаллаҳ дар Иёлоти Муттаҳидаи Амрико ва дигар кишварҳои ғарбӣ ҷиҳати муҳофизат аз муассисоти яҳудӣ аст. Ин дархости Бен Говер ба маънои тардид дар тавони ин кишварҳо барои муҳофизат аз саҳюнистҳост; кишварҳое, ки нақши ошкоре дар шаклгирӣ ва тадовуми режими ҷаълии саҳюнистӣ ифо карданд ва ин хостаи Бен Говер подоши ин кишварҳо барои ҳимоятҳои беҳадду марзест, ки тайи 75 соли гузашта аз Исроил ба амал овардаанд.
Бар асоси ин ёддошт, бояд бигӯем, ки назисми саҳюнистӣ имрӯз расво шуда ва ниқоб аз чеҳраи зишти он ба дасти донишҷӯёни амрикоӣ афтода ва шумориши маъкус барои фурӯпошии сареи Исроил оғоз гаштааст. Ин инқилоби донишҷӯии Амрико ва кулли ҷаҳонро такон дода ва кишвари ҷадиде таъсис мекунад, ки метавонад ҳофизи амнияту сулҳу субот ва ёридиҳандаи мазлумон дар ҷаҳон бошад. Ҳамчунин ба дунболи инқилоби донишҷӯии Амрико шоҳиди инқилобҳои мушобеҳе дар Аврупо ва Ховаримиёна ва кишварҳои дар ҳоли тавсеа дар ҳимоят аз адолату баробарӣ ба вижа дар Фаластин хоҳем буд.