Ба гузориши ТоҷикПресс, дафтари расонаи давлатии Ҳамос дар Ғазза бо судури баёнияе гуфт, ки 13 рӯз аз таҷовузи артиши ишғолгар ба бемористони Ал-шифо ва атрофи он мегузарад ва ҷомеаи ҷаҳонӣ сукут кардааст.
Дар ин баёния омадааст: “Артиши ишғолгар 1050 хона дар атрофи бемористонро мавриди ҳадаф қарор додааст; Амрико, ҷомеаи ҷаҳонӣ ва бархе кишварҳои аврупоӣ ва режими ишғолгарро масъули ҷинояти наслкушӣ медонем”.
Дафтари расонаи давлати Ҳамос афзуд: “Артиши саҳюнистӣ ҳамчунон 107 бемори дохили бемористонро дар шароити ғайри инсонӣ дар гаравгони худ дорад ва беш аз 400 нафарро дар атрофи бемористони Ал-шифо ба шаҳодат рисондааст”.
Аз сӯи дигар тибқи гузоришҳо, кадри дармонӣ таҳти “шароити бисёр душвор” кор мекунанд ва имконоти лозим барои мудово вуҷуд надорад.
Системаи беҳдоштӣ дар Ғазза наздик ба фурӯпошӣ аст.