Усома Ҳамдон, аз раҳбарони ҷунбиши исломии Ҳамос дар Лубнон, рӯзи душанбе тайи суханоне дар конфронси Иттиҳодияи ҷаҳонии уламои муқовимат бо унвони «البنیان المرصوص» “Ал-Бунёнул-Марсус” дар Бейрут, ки мустақим аз шабакаи хабарии Ал-Олам пахш шуд, бо баёни ин, ки муқовимат амалиёти “Тӯфони Ал-Ақсо”-ро замоне шурӯъ кард, ки Исроил дар ҳоли нобудии комили масъалаи Фаластин буд, изҳор дошт: ба саҳюнистҳо ва Амрико эълом мекунем чизе, ки дар майдон натавонистанд ба даст биёваранд бо дасиса ва ҳуққаҳои сиёсӣ ҳам нахоҳанд тавонист ба он даст ёбанд.
Усома Ҳамдон, аз раҳбарони ҷунбиши исломии Ҳамос дар Лубнон, гуфт: неруҳои муқовимат аз марҳалаи ҳамкорӣ ва табодули таҷрибиёт убур карда ва ба марҳалаи мушорикати комил дар муқобила бо режими ҷинояткор ва ишғолгар расидаанд.
Вай бо баёни ин, ки вазифаи кишварҳои дӯст ва бародари ҳамсоя, талош барои шикастани муҳосираи Ғазза аст, тасреҳ кард: таҳдид ба иртикоби ҷиноятҳои ҷадид дар шаҳри Рафаҳ дар Навори Ғазза ба манзилаи исрори режими кӯдаккуши саҳюнистӣ барои нишон додани рафтори ваҳшигарӣ ва ҷинояткоронаи худ аст.
Ин узви барҷастаи Ҳамос афзуд: амалиёти Тӯфони Ал-Ақсо чеҳраи воқеии давлати Амрико ва дурӯғин будани шиорҳои озодӣ ва ҳуқуқи башари онро бармало кард.
Усома Ҳамдон, аз раҳбарони ҷунбиши исломии Ҳамос дар Лубнон, аз миллати Фаластин даъват кард, ки аз рӯзи аввали моҳи мубораки Рамазон ба сӯи Масҷидулақсо бишитобанд ва таъкид кард, ки дар моҳи мубораки Рамазон ба набарди худ идома медиҳем ва уммат низ бояд дар ин набард саҳим бошад.
Усома Ҳамдон, ҳамчунин гуфт: бо таваҷҷуҳ ба дағдағаи миллат, дар музокирот инъитофпазир ва омодаи дифои комил аз онҳо ҳастем.