Як расонаи амрикоӣ муддаӣ шудааст як манбаи огоҳ дар гурӯҳи Ҳамос гуфтааст ин ҷунбиш бидуни мувофиқати режими саҳюнистӣ бо «оташбаси доимӣ» дар ҷанги Ғазза, дар бораи табодули асирон бо Телавив тавофуқ нахоҳад кард.
Шабакаи CNN дар ин бора гузориш дод, ки ин манбаи огоҳ бо ишора ба ин мавзӯъ дар гуфтугӯ бо ин шабака афзуд, ки ҳадди ақал се масъала бояд пеш аз мувофиқати Ҳамос бо тавофуқе дар ин бора иҷроӣ шавад; «оташбаси доимӣ, хурӯҷи нерӯҳои ишғолгар аз Навори Ғазза ва бозгашти оворагони фаластинӣ аз ҷануб ба шимоли Навори Ғазза».
Изҳороти ин манбаи огоҳ бо бозгашти ҳайате аз Ҳамос ба Қоҳира барои музокироти бештар ва як рӯз пас аз он матраҳ мешавад, ки як мақоми аршади давлати Ҷо Байден ба хабарнигорон гуфт, ки режими саҳюнистӣ, пешниҳоде барои оташбаси 6 ҳафтаиро «ба шакли куллӣ пазируфтааст». Пас аз изҳороти ин мақоми расмии давлати Байден, ҳеҷ изҳори назаре аз сӯи режими саҳюнистӣ ба таври аланӣ анҷом нашудааст.
Ин расонаи амрикоӣ дар идома баён кард: «як манбаи дипломатик, ки дар ҷараёни ин музокирот буда, ба CNN гуфт, ки пешрафтҳое анҷом шудааст, аммо бисёр кунд аст». Ба гуфтаи ӯ «эҳтимоли онки дар 48 соати оянда тавофуқе анҷом шавад, бисёр кам аст».
Ин манбаъ ҳамчунин гуфт, ки Ҳамос бидуни тавофуқ бар оташбси доимӣ, бо озодии асирон мувофиқат нахоҳад кард ва бояд пеш аз анҷом шудани ҳар пешрафте, барои расондани кумакҳои инсонӣ ба шимол ва ҷануби Ғазза, тазминҳое дода шавад.
Ёдовар мешавем, ки дар пайи ҳамалоти режими саҳюнистӣ ба Ғазза, токунун беш аз 30 ҳазор фаластинӣ кушта шуда ва беш аз 71 ҳазор нафар ҳам маҷрӯҳ шудаанд.
Режими саҳюнистӣ ҳамчунин Навори Ғаззаро дар муҳосираи инсонӣ қарор дода ва ҷамъияти ин минтақа, ки бештарашон аз хонаҳои худ овора шудаанд, аз набуди ғизо, оби ошомиданӣ, дорӯ ва таҷҳизоти пизишкӣ дар миёни вайронии густардаи зерсохтҳои ҳаётӣ, дар ранҷ ҳастанд.
Ҳамалоти ин режим сабаби оворагии 85 дарсад аз ҷамъияти Ғазза ва вайронии 60 дарсад аз зерсохтҳои ин минтақа шудааст.