Иштирокчиёни чорабинӣ масъалаҳои рушди инфрасохтори нақлиётӣ ва бунёди долонҳои нави нақлиётию логистикиро дар фазои СҲШ баррасӣ хоҳанд кард.
Вазири нақлиёти Тоҷикистон Азим Иброҳим дар нахустин ҳамоиши байналмилалии нақлиётии СҲШ дар Тошканд ширкат мекунад.
Дар ин бора аз вазорати дахлдори ҷумҳурӣ хабар доданд.
Гуфта мешавад, дар маҷмӯъ намояндагони 15 кишвар ва 60 ширкати бузург дар чорабинӣ ҳузур доранд.
Ба ин тартиб, Азим Иброҳим дар чаҳорчӯби ин ҳамоиш тасмим гирифтааст, роҳҳои таҳкими ҳамкориҳоро бо ҳамкасбон аз кишварҳои узви ин иттиҳодия пешниҳод кунад.
Илова бар ин, ширкаткунандагони форуми нахустини нақлиётии Созмони ҳамкориҳои Шанхай масъалаҳои рушди зерсохтори нақлиётӣ ва бунёди долонҳои нави нақлиётию логистикӣ дар фазои иттиҳодияро баррасӣ мекунанд.
Тибқи барнома, дар ҳошияи форум ҷаласаи 12-уми вазирони нақлиёти кишварҳои узви Созмони ҳамкориҳои иқтисодӣ, форуми байналмилалии авиатсионии Aviation and Logistiks 2023, инчунин намоишгоҳи байналмилалии Trans Logistica Uzbekistan 2023 баргузор мешавад.