Ба гузориши ТоҷикПресс ба нақл аз Спутник, Вазорати корҳои хориҷии Тоҷикистон эълон кард, ки амалҳо бо таҳқири Қуръон барои мусулмонони ҷаҳон таҳқиромез буда, ихтилофи байни динҳоро ба вуҷуд меоранд.
Вазорат таъкид кард: “Таҳқири Қуръони Карим дар ҷомеа низоъ ба вуҷуд оварда, ихтилофи байни динҳоро бармеангезад.”
Онҳо ҳамчунин қайд карданд, ки намояндагии дипломатии кишвар “ҳар зуҳури таҳаммулнопазирӣ, ифротгароӣ ва терроризм, хусумат, ҷангу низоъҳоро” маҳкум мекунад.
Вазорат зикр кардааст: “Мо ҳамеша ҷонибдори муколамаи созандаи тамаддунҳо ҳастем.”
Қаблан миллатгароён дар Дания дар як рӯз ду Қуръонро оташ зада буданд.
Иқдоми созмони радикалии “Патриотҳои Дания” дар назди сафоратхонаҳои Миср ва Туркия дар Копенгаген сурат гирифт.
Пеш аз ин аъзоёни як гуруҳ ду маротиба дар назди бинои намояндагии дипломатии Ироқ китоби муқаддасро оташ зада, парчами давлатии ҷумҳуриро таҳқир карданд.
Ҳамин тариқ, ин амал аз ҷониби Алҷазоир, Афғонистон, Эрон, Миср, Индонезия, Лубнон, Сурия, Туркия, Узбекистон, инчунин дабири кулли Лигаи кишварҳои араб (ЛАС), Дабири кулли Шӯрои ҳамкории кишварҳои араб ва Давлатҳои Халиҷи Форсмаҳкум карда шуданд.
Ёдовар мешавем, ки пулиси Шветсия рӯзи 28 июн – дар рӯзи аввали иди Қурбон баргузории як тазоҳуроти эътирозӣ бо сӯзондани Қуръон дар масҷиди асосии Стокҳолмро иҷозат дод.