Ба гузориши манобеи хабарӣ, парасторон ва кормандони тандурустӣ ва дармонии ними аз бемористонҳо ва клиникҳои дармонии Англис аз рӯзи якшанбе корпартоӣ ҷадидеро барои муддати 28 соат то поёни рӯзи душанбе ба иҷро гузоштанд.
Ба навиштаи пойгоҳи “BBC”, ин корпартоӣ бо созмондеҳии аъзои иттиҳодияи «Коллеҷи салтанатии парасторӣ» иҷро шуда ва барои нахустин бор хадамоти дармонии ҳаётӣ назири бахшҳои муроқибати вижа дар бемористонҳои Англисро низ таҳти таъсир қарор додааст.
Стив Баркли, вазири тандурустии Англис аз раванди ташдиди корпартоӣ дар бахши тандурустӣ ва дармони ин кишвар интиқод кардааст.
Вазири тандурустии Англис дар вокуниш ба ин корпартоӣ гуфт: «ин корпартобиҳо фишори бештареро бар сервиси саломати миллии Англис ворид карда ва ихтилолоти шадидеро барои беморон мӯҷиб мешавад.»
Ҷулиан Ҳартли, як мақоми сервиси саломати миллии Англис гуфт, ин корпартоӣ «нигарон кунандатарин корпартоӣ иҷро шуда то кунун» аст ва бархе аз бахшҳо воқеан дар таъмини хадамот ба мушкил бархурдаанд.
Ник Халлам, яке дигар аз мудирони сервиси саломати миллии Англис баён кард, ин корпартоӣ боиси «ихтилолоти чашмгир ва афзоиши риск барои беморони» англисӣ мешавад, аммо барномаҳое барои ҳифзи «эминӣ то ҷои мумкин» дар назар гирифта шудаанд.
Пат Каллен, дабири кулли иттиҳодияи коллеҷи салтанатии пурситораи Англис изҳор кард: «парасторони англисӣ ба думболи як тавофуқи одилона ҳастанд ва давлати Англис бояд ба мӯҷиби ин тавофуқ нишон диҳад, ки ҳирфаи онҳоро дарк карда ва барои он арзиш қоил аст.»
Аъзои иттиҳодияи «Unite», яке дигар аз иттиҳодияҳои намояндаи парасторон дар Англис низ аз созмонедҳии корпартоӣ аз сӯи аъзои ин иттиҳодия дар рӯзи душанбе хабар додааст.
Парасторони мӯътаризи англисӣ на фақат хостори афзоиши ҳуқуқашон шуда то битавонанд буҳрони феълии ҳазинаҳои маишатиро мудирият кунанд балки ҳамчунин хостори ҷазби неруҳои бештаре дар бахши парасторӣ бо ҳадафи рафъи камбуди неру шудаанд.
Коллеҷи салтанатии парасторӣ бо пешниҳоди давлати Лондон дар хусуси афзоиши ҳуқуқи панҷ дарсадӣ дар соли 2023-2024 ба ҳамроҳи як маблағи 1655 фунтӣ мухолифат карда ва онро нокофӣ донистааст.
Парасторони англисӣ пеш аз ин дар таърихҳои шашум ва ҳафтуми феврал ва 18 ва 19 январи соли ҷории мелодӣ низ даст ба корпартоӣ зада буданд.