Шайх Набил Қовуқ, узв шӯрои марказии Ҳизбуллоҳ дар вокуниш ба таҳдидҳои ахир режими саҳюнистӣ бар шаклгирии муодилаи «инҳидоми Телавив дар муқобили инҳидоми Зоҳия (бахши ҷануби Бейрут)” аз сӯи Ҳизбуллоҳи Лубнон таъкид кард.
Овигдор Либермен, вазири дороии режими саҳюнистӣ дар рӯзҳои гузашта таҳдид кард, ки «дар сурати ҳамлаи Ҳизбуллоҳ ба сакуи истихроҷи газ ва таҳмили рӯёрӯии низомӣ бар мо, минтақаи Зоҳия (бахши ҷануби Бейрут)-ро аз нақшаи замин маҳв хоҳем кард».
Рӯзномаи фароминтақавии ал-Қудс ал-Аарбӣ чопи Лондон дар шумораи рӯзи гузашта (ҷумъа)-и худ ба нақл аз шайх Набил Қовуқ навишт: «Видеое, ки воҳиди расонаи низомии муқовимати исломӣ чанд рӯзи пеш мунташир кард, дарбардорандаи паёми равшане барои душмани саҳюнист аст».
Вай афзуд: «Муқовамат мушакҳои худро омода ва муҷаҳҳаз кардааст. Ин мушакҳо сакуҳои истихроҷи газ ва фаротар аз онро низ ҳадаф қарор медиҳанд».
Қовуқ шаби гузашта дар маросими азодории моҳи Муҳаррам бо ташаббуси Ҳизбуллоҳ дар шаҳри Бинти Ҷабал афзуд: «агар раҳбарони душмани исроилӣ медонистанд, ки муқовимат барои таъсисоти роҳбурдии нафти, газӣ ва низомии Исроил чӣ чизҳои омода кардааст, дар он сурат дигар наметавонистанд шабро бихобанд».
Вай таъкид кард: Лубнони пеш аз ин дар интизори Амрико боқӣ мемонд ва аз ӯ гадоӣ мекард, аммо дар ҳоли ҳозир муодила тағйир кардааст, зеро бар асоси муодилаи муқовимат ҳамакнун ин Исроил аст, ки дар интизори Амрико ва гадоӣ аз он ба сар мебарад. Нахуствазири режими саҳюнистӣ дар ҳамин робита ба таври ошкор ба ин мавзӯъ тасреҳ кард ва аз Амрико хост, то дар бораи тарсими марзҳо бо Лубнон ба як тавофуқи сареъ даст ёбад, зеро онон аз қудрати муқовамат метарсанд ва ваъдаи Сайидҳасан Насруллоҳ, дабири кулли Ҳизбуллоҳи Лубнонро қабул доранд».
Манобеи хабарии режими саҳюнистӣ шаби чаҳоршанбе ба нақл аз кобинаи кӯчаки амниятии ин режим эълом карданд, ки дар сурати ба тавофуқи нарасидан бо Лубнон дар хусуси тарсими марзи дарёӣ, танишҳо бо ин кишвар ташдид мешавад.
Ибрози нигаронии режими саҳюнистӣ дар ҳоле матраҳ мешавад, ки ин режим ба тозагӣ муҷаввизи иктишофи газ дар майдони «Кореш» воқеъ дар минтақаи мавриди муноқишаро ба ширкати юнонии «Энергин» дода ва дар ин чорчӯб режими саҳюнисти аз вуруди як киштии ҳаффорӣ ба ин минтақа ба ҷиҳати омодасозӣ барои шурӯи иктишофи нахустини чоҳи газ дар он хабар додааст; масъалае, ки бо вокуниши шадид ва ҳушдори тарафҳои лубнонӣ рӯбарӯ шудааст.
Сайти хабарии Волло ба нақл аз мақомоти исроилӣ, ки дар ҷаласаи кобина икӯчаки амниятӣ ҳузур доштанд, эълом карданд, ки агар дар бораи марзҳои дарёӣ бо Лубнон тавофуқе сурат нагирад, ин кор мумкин аст сабаби ташдиди шароити амниятӣ дар марзҳои шимолӣ ва ҳатто чанд рӯз ҷанг шавад”.