Рамазон Раҳимзода бо ҳамтои озарии худ масъалаи дастгиру ба Тоҷикистон истирдод намудани ҷинояткорони дар ҷустуҷӯ қарордоштаро баррасӣ кард.
23 май дар ҳошияи сафари Президенти мамлакат Эмомалӣ Раҳмон ба Ҷумҳурии Озарбойҷон мулоқоти Вазири корҳои дохилии Тоҷикистон генерал-полковники милитсия Рамазон Раҳимзода бо Вазири корҳои дохилии Озарбойҷон генерал-полковник Эйвазов Вилаят Сулейман Оғлу баргузор гардид.
Бино ба итттилои дафтари матбуоти ВКД, дар рафти мулоқот масъалаи муҳим ин дастгир намудан ва ба Тоҷикистон истирдод намудани ҷинояткорони дар ҷустуҷӯ қарордошта баррасӣ гардид.
“Ҳамчунин ҷонибҳо оид ба масъалаҳои марбут ба густариши ҳамкориҳои дуҷониба, пешгирӣ ва муборизаи босамар бар зидди терроризм, ифротгароӣ, ҷиноятҳои муташаккили фаромиллӣ, қочоқи воситаҳои нашъадор, ҷиноятҳои киберӣ, мубодилаи иттилоот ва муҳоҷирати меҳнатӣ табодули афкор намуданд”,-иттилоъ медиҳад манбаъ.
Рамазон Раҳимзода изҳор доштааст, ки чунин вохӯриҳо ба манфиати кор буда, баҳри густариш ёфтани муносибатҳои дӯстона ва ҳамкориҳои мушатарак имконияти бештаре фароҳам хоҳанд овард.