Ба гузориши манобеи хабарӣ, маросими ташйиъи пайкари Оятуллоҳ Сайид Иброҳими Раисӣ, раисҷумҳур; Ҳусайни Амир Абдуллоҳиён, вазири умури хориҷа; Ва ҳайати ҳамроҳашон, муқобили донишгоҳи Теҳрон анҷом шуд вбъд аз суханронӣ ва маддоҳӣ, раҳбари Инқилоби Эрон бар пайкари раисҷумҳур ва ҳайати ҳамроҳ намоз иқома карданд.
Пойгоҳи хабарии Алҷазира дар бораи маросими ташйиъи пайкари раисҷумҳур ва ҳамроҳон навишт: намози мийит ба имомати Раҳбари Ҷумҳурии Исломии Эрон дар донишгоҳи Теҳрон баргузор шуд. Дар пайи ин ҳодиса раҳбари Инқилоби Исломии Эрон панҷ рӯз азои умумӣ эълом кард. Азодорон рӯзи сешанбе дар Табрез пойтахти Озарбойҷони Шарқӣ барои видоъ бо Раисӣ гирди ҳам омаданд.
Дар 28 июн интихобот барои интихоби раисҷумҳури ҷадид баргузор хоҳад шуд.
Пойгоҳи хабарии Ал-Маёдин дар гузорише навишт: бо иқомаи намоз тавассути Оятуллоҳ Сайид Алии Хоманаӣ, Эрон бо Иброҳими Раисӣ раисҷумҳур ва ҳайати ҳамроҳаш, ки рӯзи душанбе дар сониҳаи дилхароши болгард ҷон бохтанд, видоъ кард.
Хабаргузории AP ҳам навишт: Азодорони сиёҳпӯш барои баргузории маросими ташйиъи ҷаноза ва роҳпаймоӣ ба ёди раисҷумҳури фақиди Эрон, вазири умури хориҷа ва ҳайати ҳамроҳ, ки дар суқути ҳеликуптер ҷон бохтанд гирди ҳам омаданд.
Хабаргузории Фаронса дар гузорише аз маросими ташйиъи пайкари раисҷумҳур ва ҳамроҳони ишон навишт: даҳҳо ҳазор эронӣ, имрӯз (чаҳоршанбе) ба хиёбонҳо омаданд то дар маросими ташйиъ ва намози раисҷумҳур Иброҳими Раисӣ ва ҳамроҳони ӯ ширкат кунанд, ки рӯзи якшанбе, ҷони худро дар як сониҳаи суқути болгард аз даст доданд.
Пойгоҳи хабарии Роша Тудейи Русия ҳам навишт: Маросими ташйиъи пайкари раисҷумҳури Эрон бо ҳузури даҳҳо ҳазор нафар аз мардум баргузор шуд. Дар маросими ташйиъ дар Теҳрон, Оятуллоҳи Хоманаӣ, раҳбари Ҷумҳурии Исломии Эрон бар пайкари ҳуҷҷатулислом Раисӣ ва ҳамроҳони вай намоз иқома кард.
