Ба гузориши манобеи хабарӣ, бо нахустин шикасти бомдоди якшанбеи режими Исроил дар муқобила бо қудрати мушакӣ ва паҳподии Сипоҳи Посдорони Инқилоби Исломии Эрон ва дар идома бо дувумин нокомии худ дар иҷмоъи муттаҳидони суннатии худ дар ҷаласаи рӯзи якшанбе дар Шӯрои Амният зидди амалиёти танбиҳии Эрон, инак, Русия дар нишасти Шӯрои Амният хостори баррасии мавзӯъи таҳрими Исроил ба фаврият дар Шӯрои Амнияти Созмони Милали Муттаҳид дар бораи иқдомоти ғайри инсонии ин режим дар Ғазза шуд.
Бар пояи ин гузориш, пойгоҳи хабарии Русия Ал-Явм шомгоҳи чаҳоршанбе дар гузорише эълом кард, ки Василий Небензия дар Созмони Милали Муттаҳид бо ишора ба вазъияти фоҷиабори инсонӣ дар Ғазза ва адами поибандии ин режими хабис ба қатъномаҳои илзомовари Шӯрои Амният дар бораи оташбас дар Ғазза тайи моҳи мубораки Рамазон хостори баррасии фаврии мавзӯъи эъмоли таҳримҳо алайҳи Исроил дар нишасти оянда шуд.
Намояндаи Русия пештар дар нишасти Шӯрои Амният бо ибрози нигаронӣ аз идомаи амалиёти низомии Исроил дар Ғазза аз бетаваҷҷӯҳии ин режим ва дар ҳамдастӣ бо Амрико дар адами пойбандӣ ба қатъномаҳои илзомовари ин Шӯро интиқод карда буд.
Василий Небензия, пештар дар нишасти Шӯрои Амният бо ёдоварии қатъномаҳои илзомовари Шӯро эълом кард: «ёдоварӣ мекунем, ки адами пойбандӣ ба мусавваботи илзомовари Шӯрои Амният аз сӯи ноқизони он бояд бо вазъи таҳримҳо алайҳи онон сурат гирад ва бар ин боварем, ки Шӯрои Амният бояд ба фаврият дар бораи ин масъала иқдом кунад.
Василий Небензия бо таъкид бар адами пойбандии ин режим ба қатъномаҳои Созмони Милал хотирнишон кард: қатъномаи шумораи 2728 Шурои Амнияти Созмони Милал, ки хостори оташбас дар Навори Ғазза дар моҳи охири Рамазон буд, иҷроӣ нашуд.
Ҳамчунин вай изҳор дошт: «Ғазза шоҳиди як фоҷиаи бесобиқа аст ва Исроил монеъи вуруди ниме аз корвонҳои имдодӣ ба ин борика мешавад».
Вай дар идома бо баёни инки тазъифи нақши UNRWA авоқиберо барои кулли минтақа хоҳад дошт, афзуд: «нақши UNRWA бояд ба таври комил эҳё шавад то вазъияти паноҳндагон таҳти таъсир қарор нагирад».
Дар ҳамин иртибот, “Филип Лазарини” Комиссари генералии ожонси имдодрсонии Созмони Милал (UNRWA) барои оворагони фаластинӣ шомгоҳи чаҳоршанбе дар суханоне эълом кард, ки режими саҳюнистӣ ба думболи ҳазфи ин ожонс аст.
Филип Лазарини тайи суханронӣ дар ҷаласаи Шӯрои Амнияти Созмони Милал тасреҳ кард: «бисёре аз хонаҳо, мадорис ва бемористонҳо дар Ғазза ба овор табдил шудаанд ва дар зери овори онҳо аҷсоди бешуморе вуҷуд дорад».
Вай бо баёни инки Созмони имдодрсонии UNRWA таҳти фишори бисёр зиёде қарор дорад, изҳор дошт: «яке аз кормандони мо, ки тавассути Исроил дастгир шуд, ривоятҳои ваҳшатноке аз бадрафторӣ ва шиканҷа дорад».