Расонаҳои режими саҳюнистии Ҳизбуллоҳи Лубнонро як таҳдиди роҳбурдӣ ва физоянда барои режими саҳюнистӣ дониста ва эълони карданд, ки дабири кулли Ҳизбуллоҳ монанди гузашта устоди мудирияти ҷанг аст.
Ба нақл аз Ал-Маёдин, расонаҳои режими саҳюнистӣ бо ишора ба амалкарди Сайидҳасан Насруллоҳ, дабири кулли Ҳизбуллоҳ Лубнон дар муддати наздик ба 100 рӯзаи ҷанг дар Ғазза таъкид карданд, ки Насруллоҳ ҳамчунон монанди гузашта устоди мудирияти ҷанг ва мубориза аст. Ин расонаҳо иброз доштанд, ки Сайидҳасан Насруллоҳ тамаркузи аслии худро бар тахриби рӯҳияи сокинони сарзаминҳои ишғолӣ қарор додааст.
Бар асоси ин гузориш, режими саҳюнистӣ бори дигар дар доми Сайидҳасан Насруллоҳ гирифтор шуда ва Ҳизбуллоҳ муваффақ шудааст дастоварди стратегии бесобиқаеро муҳаққақ кунад. Ин гузориш таъкид мекунад, ки шаҳракҳои саҳюнистӣ дар шимоли сарзаминҳои ишғолӣ ба хатти даргирӣ байни Ҳизбуллоҳ ва режими саҳюнистӣ табдил шуда ва тамомии сокинони ин манотиқ тахлия шудаанд.
Ин гузориш таъкид мекунад, ки авзои марзҳои Фаластини ишғолӣ бо Лубнон буҳрони печида барои Исроил эҷод кардааст, ба гунае, ки дастёбӣ ба манотиқи Ҳонито ва Алманора имрӯз хатари камтар аз таҳти контрол гирифтани манотиқи Долот ва Буфур дар гузашта надорад.
Расонаҳои саҳюнистӣ таъкид карданд, ки ҳатто агар имрӯз сулҳ дар шимоли сарзаминҳои ишғолӣ барқарор шавад, баргардондани сокинони ин манотиқ ба манзилҳояшон содда нахоҳад буд, чаро, ки расидан ба тавофуқи сиёсӣ ба танҳоӣ наметавонад тазмине барои амнияти сокинони шаҳракҳои шимолӣ бошад.
Ин гузориш меофзояд, ки ҳатто агар нерӯҳои режими саҳюнистӣ битавонанд контроли марзҳоро то Рӯди литонӣ дар ҷануби Лубнон дар ихтиёр бигиранд, Ҳизбуллоҳ ҳамчунон қодир ба ҳамла ба сарзаминҳои шимолӣ хоҳад буд ва ин эҳтимол низ наметавонад ҳамлаҳои мушакӣ ба самти манотиқи шимолӣ ва марказии Исроилро таваққуф кунад.
Расонаҳои саҳюнистӣ Ҳизбуллоҳи Лубнонро як таҳдиди стратегӣ барои ин режим медонанд ва таъкид карданд, ки Ҳизбуллоҳ ба афзоиши қудрати худ ба унвони як таҳдиди стратегӣ зидди Исроил идома медиҳад ва Телавив бояд барои ҷанг бо ин ҳизб омода шавад.