Ба гузориши ТоҷикПресс, ин рӯзҳо дар Туркия, ҳама ҷо баҳс аз ҷиноятҳои Исроил дар Ғазза аст. Аз андешкадаҳо ва маҳофили сиёсӣ гирифта то расонаҳо, шабакаҳои фазои маҷозӣ ва афкори умумӣ, ҳама дар бора мазлумияти Фаластин сухан мегӯянд ва ба тозагӣ, тазоҳуроти азиме дар Истанбул алайҳи режими саҳюнистӣ баргузор шуд. Аммо дар ҳамин ҳол, интиқодоте низ аз сӯи сиёсатмадорони Туркияи матраҳ шуда ва мегӯянд, намешавад аз сӯе мардумро ба тазоҳурот алайҳи Исроил фарохонд ва аз дигар сӯ, миллиардҳо доллар коло ба Исроил содир кард.
Аҳмад Довуд, Уғлу, нахуствазири собиқи Туркия ва раҳбари кунунии Ҳизби Оянда, яке аз раҳбаронест, ки комилан мухолифи тадовуми равобити сиёсӣ ва иқтисодӣ байни Туркия ва режими саҳюнистӣ аст.
Ин муҳтавои яке аз паёмҳои вай аст: “Эй ҳокимони султагар ва мунофиқ! Оё ҳаргиз аз Худо наметарсед ва аз бандагони Ӯ хиҷолат намекашид? Содироти мо ба Исроил дар моҳи гузашта низ идома ёфт. Бо ин мизон содирот, ки ҳатто аз содироти колоҳои мо ба Ҷумҳурии Озарбойҷон, Эрон ва Арабистони Саудӣ бештар аст, қудрати Исроил афзоиш ёфт. Коре кардаед, ки ҳоло Исроил, сездаҳумин мақсади ҷаҳонии колоҳои содиротии Туркия аст.”
Рӯзномаи Сузку, чопи Анқара дар унвон навиштааст: “Дар калом бар Исроил лаънат, дар амал бо Исроили афзоиши тиҷорат.”
Таҳлили коршиноси Туркия аз ҳамлаи террористӣ ба Кирмони Эрон
Латиф Шимшак аз таҳлилгарони муҳофизакор ва аз нависандагони рӯзномаи Йени Акит чопи Анқара, ба баррасии ҳамлаи террористии рӯй дода дар Кирмони Эрон пардохта ва навиштааст: “Амрико ва Исроил расман дар ҳоли анҷоми ҳамалоти ҷинояткорона ҳастанд. Амрико, дақиқан монанди говчароне силоҳи худро ба сӯи минтақа гирифтааст. Дидем, ки дар Эрон теъдоди кушташудагони ҳамлаи террористӣ бисёр боло буд. Агар ин ҳамла сурат намегирифт, раисҷумҳури Эрон (панҷшанбе) дар Туркия ҳузур дошт ва бо Эрдуғон, раисҷумҳури Туркия дидору гуфтугӯ мекард. Қатъан Раисӣ ва Эрдуғон дар дидори худ, беш аз ҳар мавзуе, дар бораи зарурати муқобила бо Исроил ва зарурати ҳимоят аз мардуми мазлуми Ғазза суҳбат мекарданд. Аммо ин иттифоқ рух надод. Террористҳо ду бомбаро дар Эрон мунфаҷир карданду наздик ба 100 инсони бегуноҳро куштанду раисҷумҳур, сафари худ ба Туркияро лағв кард. Бинобар ин, дидори ӯ бо Эрдуғон анҷом нашуд. Акнун тамоми ҷаҳон, баҳс дар бораи наслкушии Исроилро канор гузошта ва дар бораи Кирмон суҳбат мекунад. Оё воқеан ғайр аз ин аст, ки барои мамониат аз ҳамкории минтақавии Эрону Туркия нақша кашидаанд? Онҳо барои зарба задан ба Эрону Туркия ва ҷилавгирӣ аз ҳамфикрии Теҳрону Анқара, терруристҳоро ба кор мегиранд. Ҳам ДИИШ ва ҳам П. К. К, аз чунин қобилияте бархӯрдоранд ва барои особ задан ба қудрати асаргузории амниятии Туркия ва Эрон, аз ин ду гуруҳи террористӣ истифода мекунанд. Оё созмони террористии дигаре дар минтақа вуҷуд дорад, ки битавонад ин корро анҷом диҳад? Оё Иёлоти Муттаҳидаи Амрико метавонад сареъ як созмони террористии ҷадид эҷод кунад, ки мо ҳануз номи онро намедонем? Не. Ҳамин ду гуруҳ ҳастанд. Ду ҳафта пеш 12 сарбози мо шаҳид шуданд, сипас Солеҳ Ал-орурӣ, раҳбари шумораи дуи Ҳамос дар Лубнон кушта шуд ва пас аз он низ ҳамлаи террористӣ дар Кирмон рӯй дод. Иродае, ки Ал-оруриро террор кард, ҳамон аст, ки куштори сарбозони турк ва инфиҷор дар Кирмонро анҷом дод. Чаро? Ба ин далел, ки Туркияву Эрон, танҳо ду кишваре ҳастанд, ки шадидтарин вокунишро ба тероризми давлатии Исроил нишон додаанд.”
Таҳлилгари турк, дар идома ба ин ишора кард, ки Амрико ва режими саҳюнистӣ, ба манзури маҳори қудрати Эрону Туркия ва ҳимояти комил аз саҳюнистҳо, қасд доранд аз тавони низомии худ дар минтақа истифода кунанд ва иттифоқоти рӯй дода дар Ироқ, Сурия ва Лубнон, дар робита ба маҳори қудрати ду кунишгари минтақа яъне Теҳрон ва Анқара мебошад.