Ба гузориши ТоҷикПресс, телевизиони Кувайт хабар дод, ки Навоф Ал-Аҳмад Ал-Ҷобир Ал-Сабоҳ, амири Кувайт, имрӯз, шанбе, дар синни 86-солагӣ бар асари бад шудани вазъаш дар бемористон даргузашт.
Дафтари амири Кувайт бо нашри баёния марги амири ин кишварро расман эълон кард.
Шӯрои вазирони Кувайт дар пайи даргузашти амири 86-солаи ин кишвар мотами оммавии 40 рӯза эълон кард ва дафтарҳои расмии ин кишвар низ барои се рӯз баста хоҳанд шуд.
Шӯрои вазирони ин кишвар тавофуқ кард, ки Машъал Ал-Аҳмад ба унвони амири нави ин кишвар интихоб шавад.
Машъал Ал-Аҳмади 83 сола ва бародари нотании амири даргузаштаи ин кишвар аст. Ӯ дар Кувайт ва дар Коллеҷи низомии Ҳендон дар Англия таҳсил карда, муовини сардори Горди миллии Кувайт буд.
Кувайт 4.200.000 нафар аҳолӣ дорад ва дорои шаш захираи бузургтарини нафт дар ҷаҳон мебошад.