Дар Донишгоҳи миллии Тоҷикистон рӯзи 14 сентябр мулоқоти вазирони маориф ва ректорони донишгоҳҳои кишварҳои Осиёи Марказӣ баргузор мешавад.
Ба иттилои Вазорати маориф ва илми Тоҷикистон, форуми дуюми ректорони донишгоҳҳои минтақа дар доираи вохӯрии панҷуми машваратии сарони давлатҳои Осиёи Марказӣ сурат мегирад.
Интизор меравад, ки дар баробари ректорони муассисаҳои таҳсилоти олӣ ҳамчунин вазирони маорифи Тоҷикистон, Қазоқистон, Ӯзбекистон, Туркманистон ва Қирғизистон иштирок намоянд.
Мавзӯи меҳварии мулоқот рушди минбаъдаи ҳамкорӣ дар самти илму маориф мебошад.
Гуфтанист, вохӯрии панҷуми машваратии сарони давлатҳои Осиёи Марказӣ ва ҷаласаи навбатии Шурои сарони давлатҳои муассиси Фонди байналмилалии наҷоти Арал дар Душанбе рӯзҳои 14-15 сентябр сурат мегиранд.
Дар мулоқоти сарони кишварҳои Осиёи Марказӣ дар Душанбе имзои як баста санадҳо, аз ҷумла Эъломияи ҷамъбастӣ, созишномаҳо дар соҳаи нақлиёти заминӣ ва сиёсати ҷавонон ба имзо мерасанд.
Тоҷикистон ба ин чорабиниҳо омодагии ҷиддӣ дида истода, бо ҳамкорон аз кишварҳои дигари минтақа дар тамос мебошанд.