Барои аввалин бор дар кишвар ҷарроҳии стентмонии даруннигарии узвҳои ҳозима дар мавриди саратони сурхрӯда бо оризаи тангшавии он анҷом шуд.
Соли равон маротибаи аввал аз ҷониби устоди Донишкадаи тиббӣ-иҷтимоии Тоҷикистон ҷарроҳии стентмонии даруннигарии узвҳои ҳозима дар мавриди саратони сурхрӯда бо оризаи тангшавии он гузаронида шуд.
Зарина Ибодзода, ректори Донишкадаи тиббӣ-иҷтимоии кишвар, зимни нишасти матбуотӣ иттилоъ дод, ки усули ташхис ва амалиёти даруннигарии ретроградии холесисто-панкреатографӣ ҳангоми бемориҳои санги роҳҳои талхагузар ва тангшавии он низ аз ҷониби устодони ин донишкада бо муваффақият гузаронида шудааст.
Ҳамчунин, дар соли равон аз тарафи омӯзгорони донишкада 3 намуди иловаҳои фаъоли биологӣ коркард шуд: малҳами Маклюфер (шираи камол ва маклюфер), қиёми Псоралея (барои касалиҳои пӯст) аз растаниҳои табиати мамлакат.