Самарқанд ҳамзамон мизбони 2 форуми байналмилалӣ, нишасти сеюми вазирони тандурустии кишварҳои узв ва нозири Созмони кишварҳои туркӣ, инчунин 9-умин Конгресси тиббии ҷаҳонии турк шуд.
Дар ин конфронс вазирони тандурустии кишварҳои узви Созмони туркӣ, роҳбарон ва устодони муассисаҳои таҳсилоти олии тиббӣ, роҳбарони клиникаҳои бонуфузи тиббӣ, пажӯҳишгоҳҳо, марказҳои махсуси тиббӣ, ширкатҳои бузурги дорусозӣ ва ширкатҳо дар сохаи нигахдории тандурустӣ фаъол, инчунин олимон аз тамоми чахон хозир буданд.
Пас аз муҳокимаҳо намояндагони ширкаткунандагон изҳороти муштарак қабул карданд, ки дар он самтҳои ҳамкорӣ, аз қабили таҳияи қоидаҳои фармакопеяи кишварҳои туркзабон, таҳияи нақшаи амалиёти муштарак оид ба расонидани кумакҳои башардӯстона ва тандурустӣ, муроқибат дар ҳолатҳои фавқулоддаву изтирорӣ, инчунин барои мубориза бо он бо бемориҳои сироятӣ мавриди таваҷҷӯҳ қарор гирифт.
Дар ин ҳамоиш имкони тавлиди муштараки дору ва таҷҳизоти пизишкӣ, эътирофи мутақобилаи асноди дар арсаи тиб содиршуда аз ҷониби кишварҳои узви ин созмон баррасӣ шуд.
Илова бар ин, Эъломияи Самарқанд барои таъсиси шабакаи муштарак дар соҳаи туризми саломатӣ бо иштироки кишварҳои узв ва нозирони ин созмон, эҷоди фарҳанги муттаҳидшудаи иттилооти тиббӣ ва лоиҳаҳои дигар мусоидат хоҳад кард.
Созмони давлатҳои туркӣ моҳи октябри соли 2009 ҳамчун Шӯрои туркӣ таъсис ёфта, моҳи ноябри соли 2021 ба Созмони давлатҳои туркӣ табдил ёфт. Дар ҳоли ҳозир Озарбойҷон, Қазоқистон, Қирғизистон, Туркия ва Узбакистон узви он буда, ду кишвари Маҷористон ва Туркманистон нозир мебошанд. Ҳадафи аслии ин созмон рушди ҳамкориҳои ҳамаҷонибаи халқҳои туркист.