Ба гузориши манобеи хабарӣ, вазорати дифои Англис дар баёнияе эълом кард, болиғ бар 18 ҳазор сарбози Украина дар барномаи омӯзиши низомии чандмилиятии таҳти раҳбарии ин кишвар таҳти унвони амалиёти “Интерфлекс” ширкат кардаанд.
Ба навиштаи хабаргузории “Спутник”, вазорати дифои Англис дар моҳи апрел теъдоди сарбозони украинии омӯзиш дида дар Биритониёро беш аз 10000 нафар эълом ва пешбинӣ кард дар соли 2023 маҷмӯъан ба 20000 нафар аз Украиниҳо омӯзиши низомии комил ироа кунад.
Вазорати дифои Англис дар як Твит муддаӣ шуд: «амалиёти Интерфлекс ба раҳбарии Биритониё, ки омӯзишҳои пиёда низом ба неруҳои довталаби Украиниро ироа мекунад то кунун ба 18000 неру омӯзиш додааст. Дар ин амалиёт, ки дар 26 июн 2022 оғоз шуд, ба Украиниҳо наҳваи зинда мондан ва маргбор амал кардан дар ҷангашон алайҳи таҳоҷум ба сарзаминашон омӯзиш дода мешавад.»
Амалиёти Интерфлекс як амалиёти чанд миллиятии раҳбари шуда аз сӯи Биритониё аст, ки ҳадафаш ироаи омӯзиш ва пуштибонӣ ба неруҳои украинӣ бо ҳадафи кумак ба онҳо дар ҷанги бо Русия аст. Дигар кишварҳое, ки дар ин амалиёт мушорикат мекунанд шомили Австралия, Канада, Дания, Эстония, Финляндия, Олмон, Латвия, Литва, Норвегия, Нидерланд, Ниюзиланд ва Шветсия ҳастанд.
Амрико ва Иттиҳодияи Аврупо аз замони оғози ҷанги Украина дар феврали 2022 илова бар ироаи анвои кумакҳои молӣ ва омӯзишӣ, даҳҳо миллиард доллар таслиҳот ба Киев ирсол карда ва ба тадриҷ силоҳҳои сангинтар ва пешрафтатаре шомили танкҳои ҷангии аслӣ, сомонаи падофанди ҳавоӣ “Патриют” ва мушакҳои дурбурди англиси “Сояи тӯфон”-ро дар ихтиёри ин кишвар қарор додаанд.
Русия дар феврали 2022 баъд аз таҷрибаи чандин моҳ пуртаниш бо НАТО ба думболи дархости кумаки ҷумҳуриҳои минтақаи Донбас дар шарқи Украина амалиёти низомии вижаоеро бо маъмурияти ғайринизомӣ созӣ ва нозизудоӣ ин кишвар оғоз кард.
Аврупоиҳо пеш аз амалиёти Русия дар феврали 2022 дар Украина, бо хусумат нишон додан алайҳи Русия ва нодидагирифтани мутолибот ва манофеъи амниятии Маскав заминасози бурузи ҷанг дар Украина шуда ва дар ҷараёни ин амалиёт низ ҳимоятҳои ҳамаҷонибаеро аз Украина ба амал оварда ва ба оташи ин ҷанг доман задаанд.