Ба гузориши ТоҷикПресс ба нақл аз Спутник, тибқи эълони Комиссияи марказии интихоботии Узбекистон Шавкат Мирзиёев, раисҷумҳури кунунии Узбекистон пирӯзи интихоботи раёсатҷумҳурии пеш аз муҳлат шуд.
Ба иттилои манбаъ, Мирзиёев 87,05% овозҳоро ба даст овардаааст.
Зайниддин Низомхочаев, раиси Комиссияи марказии интихоботии ин кишвар дар ин бора гуфт: “87,05% аз шумори умумии интихобкунандагон ба тарафдории номзад аз Ҳизби либерал-демократии Узбекистон Шавкат Мирзиёев овоз доданд.”
Дар ҷои дуюм бо 4,43% номзад аз Ҳизби сотсиал-демократии “Адолат” (“Адолат”), муовини аввали раиси Суди Олӣ Робахон Маҳмудова, дар ҷои сеюм раиси Ҳизби Халқии Демократии Узбекистон (ҲХДТ) Улуғбек Иноятов бо 4,02% қарор доранд.
Дар мақоми чаҳорум раиси Ҳизби экологӣ Абдушукур Ҳамзаев бо 3,74% овоз гирифт.
Тибқи иттилои Комиссияи марказии интихобот, иштироки ниҳоии интихобкунандагон 79,8% ё 15,6 миллион нафарро ташкил дод.
Мирзиёев дар интихоботи раёсатҷумҳурии соли 2021 бо 80,31 дарсади оро ва ширкати 80,04% овоздиҳандагон пирӯз шуда буд.