Ба гузориши хабаргузории “ал-Маёдин”, “Сергей Лавров”, вазири умури хориҷаи Русия аз омодагии кишвараш барои коҳиши хатароти ҳастаӣ сухан гуфт ва ҳамчунин афзуд, ки Вашингтон талош мекунад то баргузории дувумин нишасти Русия ва Африқоро мухтал кунад.
Бар асоси ин гузориш, Лавров дар мусоҳиба бо рӯзномаи русии “Аргументы и факты” гуфт: Иттиҳодияи Аврупо Русияро аз даст додааст. Онҳо ошкоро талош барои шикасти Русияро эълом мекунанд. Ба ин далоил мо Иттиҳодияи Аврупоро як ниҳоди ғайридӯст медонем.
Вай идома дод: ирсоли муҳиммот ва силоҳ барои режеми Киев ва ҳамчунин эъзоми неруҳои омӯзишӣ ва муздурон ба Украина аз ҷумла фаъолитҳои хасмонаи Аврупо алайҳи Русия аст.
Ба гуфтаи раиси дастгоҳи дипломосии Русия, Маскав натоиҷи лозимро гирифтааст ва бинобар ин қасд дорад дар сурати лузум қотеъона, аммо бар асоси манофеъи миллӣ ва қоидаи муқобила ба мисл амал кунад.
Лавров тасреҳ кард: дар сурате, ки Иттиҳодияи Аврупо масири зидди русиро канор бигузорад, Маскав пешниҳодотеро мутобиқ бо мафҳуми сиёсати хориҷии Русия барраси хоҳад кард. Мақомоти Русия ҳамчунон аз музокира истиқбол мекунанд, аммо бар асоси усули яксон ва бо тааҳҳуд ба дар назар гирифтани манофеъ Русия.
Вай бо ишора ба инки сафарҳои хориҷии феълии вай нишон диҳандаи «аввалуиятҳои Русия дар арсаи байналмилалӣ» аст, афзуд: Иёлоти Муттаҳида ва думболаравони он тамоми талошашонро барои дастёбӣ ба инзивои байналмилалии Русия анҷом медиҳанд.
Вазири умури хориҷаи Русия дар айни ҳол омодагии кишварашро барои барқарории тамос бо кишварҳои ғарбӣ ба манзури беҳбуди вазъияти Аврупо ва коҳиши хатароти ҳастаӣ дар баландмуддат эълом ва тасреҳ кард: аммо дар Вашингтон ва Брюссел ё пешниҳодҳои моро нодида гирифтанд ё вокуниш ба он манфӣ буд ва дар ниҳоят авзоъ ба буҳрони феълӣ дар Украина мунҷар шуд.
Дар мавзӯӣ ҷудогона, Лавров таъкид кард, ки Иёлоти Муттаҳида ва муттаҳидонаш талош мекунанд монеъи баргузории дувумин иҷлоси сарони Русия ва Африқо шаванд, ки қарор аст авохири моҳи июл дар шаҳри Санкт-Петербурги Русия баргузор шавад ва талош мекунанд Африқоииҳоро аз ҳузур дар ин нишаст дилсард кунанд.