Раиси ҳайати Туркманистон дар Созмони амният ва ҳамкории Аврупо дар дидор бо раиси Маҷмаъи парлумонии ин созмон ба тақвияти бештари равобити байнипарлумонӣ ва ҳамкорӣ барои дастёбӣ ба аҳдофи муштарак таъкид кард.
Ҳамроҳ Амонназаров, раиси ҳайати Туркманистон дар Созмони амният ва ҳамкории Аврупо дар дидор бо Маргарет Судерфулт, раиси Маҷмаъи парлумонии ин созмон нақши кишварҳои бетараф дар тақвияти амният, субот ва гуфтугӯ дар фазои Аврупо ва АвруОсиё дар чорчуби Созмони амният ва ҳамкории Аврупо мавриди баҳс қарор дод.
Дар ин дидор тарафайн омодагии худро барои тақвияти бештари равобити байнипарлумонии Туркманистон ва Маҷмаъи парлумонии Созмони амният ва ҳамкории Аврупо барои дастёбӣ ба аҳдофи муштарак эълом карданд.
Назаров изҳор дошт, ки Туркманистон аз тавсеаи гуфтугӯ бо Созмони амният ва ҳамкории Аврупо ҳимоят мекунад ва ҳамчунин аҳамияти зиёде барои ҳимоят аз ҳуқуқи башар дар минтақаи Созмони амният ва ҳамкории Аврупо қоил аст.
Дар ин дидор таъкид шуд, ки Туркманистон ҳамчунин дастури кори мушорикат ва ҳамкории ҷавонон дар тавсеаи ҳамкориҳои байналмилалӣ ва тақвияти амниятро оғоз кардааст.