Дабири кулли Ҳизбуллоҳи Лубнон тайи суханоне ба муносибати арбаин дар Баълабаки Лубнон баён кард: “ҳузури 20 миллион зоир дар пиёдаравии арбаини Ироқ беназир ва шабеҳи мӯъҷиза ва меҳмоннавозии ироқиҳо як саҳна ва намоиши таърихии бузург аст”.
Ин суханронӣ рӯзи гузашта пас аз пиёдаравии арбаин дар шаҳри Баълабак дар шарқи Лубнон аз тариқи видео-конфронс эрод шуд, ки Ҳизбуллоҳи Лубнон масъулияти сомондеҳии онро аз майдони «Ҷабали» то мақоми Имом Ҳусайн(а) ба ӯҳда дошт.
Сайидҳасан Насруллоҳ дар ин маросими хитоб ба азодорони ҳусайнӣ изҳор кард: “Худованд азодориҳо ва пиёдаравиҳои шумо ба муносибати арбаини ҳусайниро қабул кунад, имом Содиқ(а) барои азодорони ҳусайнӣ ва касоне, ки ба пиёдаравии арбаин мераванд, дуо карда ва фармуд: “ин чеҳраҳои офтобсӯхтаро ва ин гунаҳоеро, ки бар қабри падарам Абӯабдууллоҳ (Ҳусайн) ба хок молида мешавад ва ин чашмҳоеро, ки аз сари дилсӯзӣ барои мо ашкҳояшон сарозер мегардад ва ин дилҳоеро, ки дар ғами мусибати мо бетоб ва сӯзон аст ва ин нола ва шеванҳоеро, ки барои мо мешавад, мшмул раҳмат хеш бифармо», шумо бародарон ва хоҳарон имрӯз машмули ин дуо аз он имоми бузургавор ҳастед”.
Вай афзуд: “яке аз муҳимтарин ибратҳои арбаин ин аст, ки мӯъмин бо вуҷуди тамом мусибатҳое, ки дорад ва дар тамоми шароите, ки барояш пеш миояд, ноумед намешавад; зеро ба Худо ва ваъдаи илоҳӣ имон дорад”.
Дабири кулли Ҳизболлоҳи Лубнон ҳамчунин тасреҳ кард: “замоне, ки ҳазрати Зайнаб(а) дар маҷлиси Язид ҳозир шуд, дар ҳоле, ки наздиконаш ба шаҳодат расида буданд, муқобили Язид истод дар ҳоле, ки сари имомаш рӯбарӯяш буд ва дар муқобили масъалаҳои отифӣ, инсонӣ ва хонаводаги қарор дошт; аммо хутбаҳояш аз тамоми инҳо болотар буд ва итминон дошт, ки пирӯз аст ва Язид ва тарҳаш шикастхӯрда аст”.
Насруллоҳ баён кард: “ҳазрати Зайнаб(а) аз мавзеи имон бо Худо дар маҷлиси Язид сухан гуфт ва тамоми талошҳои Язидро ба шикаст расонд ва мо аз он ҳазрат дарси зиллатнопазирӣ, қабул накардани зулм ва на гуфтан ба шикаст ва таслимнопазириро меомӯзем ва дар баробари зулм сар хам намекунем”.
Вай таъкид кард: пиёдаравии арбаин нишон медиҳад, ки 20 миллион зоир аз дохил ва хориҷ аз Ироқ, ҳазорон километрро майпаймоянд, то ба Карбало бирасанд ва дар дараҷаи ҳарорати болотар аз 50 дараҷа ба самти Карбало бираванд; ин як падидаи бузург аст, ки ҳеҷ давлат, ҳукумат ва муассисаи байналмилалӣ аз он ҳимоят намекунад”.
Дабири кулли Ҳизболлоҳ идома дод: “инҳо барои гардишгарӣ ва тафреҳ намеоянд; балки 20 миллион ошиқ ва муштоқи Имом Ҳусайн(а) ҳастанд, ки пиёдаравӣ мекунанд то қабри мардеро зиёрат кунанд, ки бо лаби ташна ба шаҳодат расид ва ин шабеҳи як мӯъҷиза аст”.
Вай таъкид кард: “мизбонии ироқиҳо аз бузургу кӯчак ва аз масъулу ғайримасъул ва хидматрсонии онон ба зоирон, як намоиши таърихӣ ва бузург аст; ин дар ҳолест, ки расонаҳои ҷаҳон ин падидаро пӯшиш намедиҳанд, ки нишонаи мазлумият ва ғурбат аст”.
Сайидҳасан Насруллоҳ дар бахши дигаре аз суханонаш бо ишора ба ҷинояти Сабро ва Шатило гуфт: “ҷинояти Сабро ва Шатило, бузургтарин ва зиштарин ҷиноят дар таърихи муборизаи арабҳо ва режими саҳюнистӣ аст ва омилони он ҳанӯз муҷозот нашудаанд ва омилони он бархе гурӯҳҳои лубнонӣ буданд, ки дар ҳамкорӣ бо режими саҳюнистӣ даст ба он заданд”.
Вай бо баён инки мо аз ҷавонони фаластинӣ ба хотири шуҷоат ва устуворияшон ташаккуру қадрдонӣ мекунем, изҳор кард: “мардуми Фаластин акнун ба ин натиҷаи ҳатмӣ расидаанд, ки музокирот ҳеҷ самара ва фоидане надорад ва танҳо гузинаи муқобилашон муқовимат аст”.
Дабири кулли Ҳизбуллоҳи Лубнон ҳамчунин тақвияти равобити Ҳамос бо Сурияро мавриди таваҷҷӯҳ қарор дод ва гуфт: “Сурия бо раҳбар ва миллати худ ҳомии “Қудс ва Фаластин буда ва ҳаст ва эҳёи равобити Сурия ва Ҳамос, мавзеи дуруст ва муҳиме аст; зеро дар минтақа ниёз дорем, ки ҳамаи гурӯҳҳо ва миллатҳои ҳомии муқовимат якпорча шаванд”.
Сайидҳасан Насруллоҳ бо ишора ба масоили дохилии Лубнон бо баёни инки истихроҷи газ фурсати тиллоӣ барои ҳалли буҳрон дар Лубнон аст, баён кард: “истихроҷи газ то замоне, ки Лубнон ба ҳуқуқи худ нарасад, хатти қирмиз аст”.
Дабири кулли Ҳизбуллоҳи Лубнон ҳамчунин таъкид кард: “умедворам масъалаи давлат дар Лубнон ба зудӣ ҳал шавад; набояд ба замоне бирасем, ки шоҳиди камбудиҳои сиёсӣ бошем ва кобинаи пешбурди умур ҷои давлатро бигирад, умедворем ҳама шароитро барои ташкили давлат фароҳам кунанд”.
Қайд карда мешавад, ки ин суханронии Сайидҳасан Насруллоҳ, дабири кулли Ҳизбуллоҳи Лубнон ба муносибати арбаин, рӯзи гузашта дар Баълабаки Лубнон анҷом шуда буд.