Маҷлиси Русия лоиҳаеро қабул кардааст, ки бар асоси он муҳоҷирони дорои собиқаи судӣ аз ҳаққи мусофиркашӣ маҳрум мешаванд.
“Ташаббус ҳам ба русҳо ва ҳам ба муҳоҷирони корӣ, аз ҷумла ба кишварҳои Иттиҳоди иқтисодии АвруОсиё-Арманистон, Беларус, Қазоқистон ва Қирғизистон дахл дорад”,-омадааст дар лоиҳаи қонун.
Дар лоиҳаи қонун маҳдудиятҳо барои “муҳоҷирони собиқадори ҷиноӣ”-и кишварҳои дигар зикр нашудааст, зеро шаҳрвандони онҳо, ки доғи судӣ доранд, умуман дар Русия патент ё иҷозатномаи кор гирифта наметавонанд.
Шаҳрвандоне, ки қасди интиқоли мусофирон ва бағоҷи онҳоро доранд, ки собиқаи ҷиноӣ доранд, ҳамчун соҳибкори инфиродӣ ба қайд гирифта намешаванд.
Дар лоиҳа ду категориям маҳдудият пешбинӣ шудааст. Аввало ба манъи ронандагии нақлиёти ҷамъиятии заминӣ дахл дорад. Он ба автобусҳо, троллейбусҳо, трамвайҳо ва микроавтобусҳо таъсир мерасонад.
Шахсоне, ки барои ҷиноятҳои зидди амнияти ҷамъиятӣ, асосҳои сохти конститутсионӣ ва амнияти давлат, инчунин зидди сулҳу амнияти башарият доғи судии барнадошта доранд, ба кор дар нақлиёти ҷамъиятӣ қабул карда намешаванд.
Барои категорияи дуюм, яъне ронандагони таксӣ, рӯйхати шабеҳи ҷиноятҳо низ татбиқ мешавад. Аммо дар баробари ин, он ҷиноятҳо, аз қабили куштор, қасдан расонидани зарари вазнин ба саломатӣ, одамрабоӣ, ғоратгарӣ, ҷиноятҳо бар зидди дахлнопазирии ҷинсӣ ва озодии шахсиро дар бар хоҳад гирифт.
Илова бар ин, акнун манъи кор ба ҳайси ронандаи таксӣ ба шаҳрвандоне низ дахл хоҳад кард, ки барои ҷиноятҳои вазнини миёна собиқаи судӣ доранд.