Ба гузориши манобеи хабарӣ, “Акрама Сабрӣ”, хатиб Масҷидул-Ақсо гуфт, ки ҳадафи режими саҳюнистӣ аз тавофуқи Осло, ҷудо кардани Қудс аз Каронаи Бохтарӣ ва Ғазза буд.
Хабаргузории “Сафо” ба нақл аз Акрама Сабрӣ гузориш дод, пеш аз ин тавофуқ, шаҳрвандони Фаластин ба роҳатӣ метавонистанд аз Каронаи Бохтарӣ ва Ғазза ба Масҷидул-Ақсо бирисанд, вале пас аз тавофуқ, ин шаҳр, ҷудо шуд.
Вай таъкид кард, пас аз имзои ин тавофуқ дар соли 1993, шаҳри Қудс ба луқмаи осоне барои режими саҳюнистӣ табдил шуд.
Хатиби Масҷидул-Ақсо хотир нишон кард, ҳадаф қарор додани Қудс, бо ҳадафи қатъи иртиботи мусалмонони ҷаҳон бо Фаластин сурат гирифт ва вуҷӯди Қудс ва Масҷидул-Ақсо, омили иртиботи мусалмонон бо Фаластин аст.
Сабрӣ тасреҳ кард: «Мо набояд аз ҳатмӣ будани озодсозии Қудс, ноумед шавем; зеро [ин шаҳр] имрӯз бо шароити мушобеҳи гузашта, рубарӯ аст».
Вай бо баёни ин ки мо дар ҳолати омодабоши доими қарор дорем гуфт, ки сокинони Қудс, дар ҳоли дифоъ аз Қудс ва Масҷидул-Ақсо ҳастанд; дифоъе ки дифоъ аз ақидаи онон ба шумор меравад.
Хатиби Масҷидул-Ақсо ҳамчунин таъкид кард, режими саҳюнистӣ бо мавҷудияти Фаластин дар Қудс мубориза карда ва ба хотири авомили муҳум, рӯзона, манозили ин шаҳрро тахриб мекунад.
Хатиби Масҷидул-Ақсо ахиран гуфт, ки муқовимати сокинони Қудс ва кулли миллати Фаластин нақши басазое дар тағйири муъодилот ва мулзам кардани Исроил ба таҷдидиназар дар сиёсатҳои нажодпарастонаи худ дошта аст.
Сабрӣ таъкид кард, ки юриши низомиёни артиши режими ишғолгар ба Масҷидул-Ақсо бо ҳадафи рози нигаҳ доштани ҷараёни ростгарои ифротии Исроил бо шикаст мувоҷеҳ шуд.
Вай тасреҳ кард, пирӯзӣ дар ин набард баёнгари ваҳдати ҳамаи ақшори миллати Фаластин аст ва нишон дод, ки мавонеъи ҷуғрофиёӣ ва сиёсӣ, ки Каронаи Бохтарӣ, Қудс ва Навори Ғаззаро аз ҳамдигар ҷудо карда аст, беарзиш аст ҳамчинон ки вазъияти куллии имрӯз дар Қудс ва арозии фаластинӣ бо вазъияти қаблии он комилан мутафовит аст.