Ба нақл аз торномаи Шӯрои уламо, Ибодуллоҳ як корбари сомонаи Маркази исломшиносии Тоҷикистон аз ин ниҳод суол кардааст, ки чаро дар ислом истеъмоли гӯшти хук мамнуъ шудааст.
Ибодуллоҳ суоли худро чинин пурсидааст: “Дар Ислом хурдани гӯшти хук манъ аст. Ҳикмати манъ шудани он чист?”.
Шӯрои уламо чунин посух додааст: “Бародари азиз, аҳкоми шаръӣ ҳама тавқифӣ ҳастанд, Худованд ҳаким аст ва ҳар як кори ӯ ҳикматҳои фаровон дорад, ки мо аз ҳақиқати он огоҳ нестем. Тибқи гуфтаи донишмандон яке аз ҳикматҳои ҳаром будани гӯшти хук ин аст, ки дар таркиби он моддае вуҷуд дорад, ки пас аз истеъмоли гӯшт аз бадани инсон хориҷ намешавад ва ба саломатӣ зарар дорад”.
Қаблан Алишер, як корбари сомонаи Шӯрои уламо дар саҳифаи ин ниҳод навиштааст, ки дар хоб ба ӯ ангуштарин додаанд ва таъбири ин хобашро суол кардааст.
Шӯрои уламо: дар Маркази исломӣ касе ба вазифаи “ҷинбарор” таъйин нашудааст
Шӯрои уламо посух додааст: “Бародари азиз, дидани ангуштарин дар хоб ба издивоҷ кардан ё ноил шудан ба ҷойгоҳе далолат мекунад”.
Ба хобдидаи дигар, ки худро Абдуллоҳ муаррифӣ кардаасту ангуштарин хоб дидааст, Шӯрои уламо посух додааст, ки баракотро интизор бошад.
Шӯрои уламо гуфт, наврасони тоҷик дар куҷо намози таровеҳ гузоранд
Абдуллоҳ суол кардааст: “Ман дар хоб дидам, ки бо номзадам тӯй дорем ва ба якдигар ангуштарин гузаронидем. Ин хоб чӣ таъбир дорад”.
Шӯрои уламо посух додааст, ки “ин хоби шумо хайру башорат аст, иншоаллоҳ шумо ба орзуи худ мерасед”.