Ба гузориши ТоҷикПресс, яке аз раҳбарони Ҳамос дар вокуниш ба ҷинояти ҷадиди саҳюнистҳо дар паноҳгоҳи Аннусайрот дар Ғазза, ки 210 шаҳид ва беш аз 400 нафар захмӣ бар ҷой гузошт, эълом кард: Ишғолгарони ҷинояткор ва террорист бо куштори садҳо кӯдак ва зан дар рафти амалиёти озод кардани чанд асир, бори дигар хислати фашистии худро намош доданд.
Ин мақоми Ҳамос гуфт: Бо вуҷуди иддаои ишғолгарон дар бораи тахриби тамоми баталйонҳои Ҳамос дар Ғазза, пас аз ҳашт моҳи оғози ҷанг, онҳо тавонистаанд тавассути як амалиёти душвор ва печида дар зери бомбгузории шадид ва оташи густарда асирони худро озод кунанд.
Вайт таъкид кард: Муқовимат ҳоло ҳам дар дили майдони набард ҳузур дошта ва ғофилгириҳои зиёде дорад, агарчи ишғолгарон пас аз ҳашт моҳи ҷанг аз озод шудани чаҳор асири худ хабар медиҳанд, аммо ин аз шикасти стратегии душман дар расидан ба ҳадафҳои эълонкардааш шаҳодат медиҳад.
Сухангӯи баталёнҳои Кассам қаблан эълом карда буд, ки душман бо содир кардани ҷиноятҳои ваҳшатнок тавонист бархе аз асиронро раҳо кунад, аммо ҳамзамон дар ин амалиёт бархе аз асирони худро куштааст.