Дар нишасти СПАД Рустами Эмомалӣ ва Вячеслав Володин ҳамкориҳои Русия ва Тоҷикистонро баррасӣ ва дурнамои онро арзёбӣ карданд.
Дар Алмаато мулоқоти ғайринавбатии раиси палатаи болоии парлумони Тоҷикистон Рустами Эмомалӣ ва раиси Думаи давлатии Русия Вячеслав Володин баргузор шуд. Дар ин бора дафтари матбуоти шаҳрдории Душанбе хабар додааст.
Гуфта мешавад, ки музокирот дар чаҳорчӯби ҷаласаи Ассамблеяи парлумонии Созмони Паймони Амнияти Дастаҷамъӣ сурат гирифтааст. Зимни суҳбат вазъи кунунӣ ва дурнамои равобити дуҷонибаи Маскав ва Душанбе, инчунин самтҳои афзалиятноки муносибатҳои байнипарлумонӣ, аз ҷумла дар доираи СПАД арзёбӣ шуданд.
Дафтари матбуоти Рустами Эмомалӣ хабар медиҳад, ки ҷонибҳо ҳамчунин доир ба дигар масъалаҳои мавриди таваҷҷуҳ гуфтугӯи судманд анҷом доданд. Ёдовар мешавем, ки раиси палатаи болоии парлумони Тоҷикистон Рустами Эмомалӣ дар ҷаласаи навбатии Шӯрои Ассамблеяи парлумонии Созмони Паймони Амнияти Дастаҷамъӣ иштирок мекунад. Ба рӯзномаи ҷаласа мутобиқсозии қонунгузорӣ ва дигар масъалаҳо шомиланд, таъкид кард хадамоти матбуоти.
Мақомоти давлатҳои Тоҷикистону Русия ба густариши ҳамкориҳо дар арсаи мубориза бо терроризм таъкид карданд
Дар дидори вазирони кишвари Тоҷикистон ва Русия омодагии ду тараф барои густариши бештари ҳамкориҳо дар заминаи мубориза бо ҷурму ҷиноят эълон шуд.
Рамазон Раҳимзода, вазири корҳои дохилаи Тоҷикистон бо Владимир Колокотсев, ҳамтои русии худ, ки ба Душанбе сафар кардааст, дидор ва гуфтугӯ карданд.
Тайи ин дидор дар хусуси тақвияти ҳамкориҳо дар заминаи мубориза бо ҷурм ва ҷиноят, ҷилавгирӣ аз ҷазби шаҳрвандони Тоҷикистон ба аҳзоб ва ҷунбишҳои ғайриқонунӣ, беҳбуди ҳамкорӣ дар ҳавзаи муҳоҷират, ҳалли мушкилоти марбут ба вазъияти қонунӣ, беҳбуди шароити зиндагӣ, ҳифозат аз ҳуқуқ ва манофеи шаҳрвандони Тоҷикистон дар Русия баҳс ва табодули назар шуд.
Дар ин дидор ибрози итминон шуд, ки ҳар ду тараф ҳамеша барои густариши ҳамкорӣ дар заминаи мубориза бо ҷурм ва ҷиноят, терроризм, ифротгароӣ, ҷароими сайберӣ, табодули иттилоот ва ҳалли мавзуъҳои марбут ба муҳоҷират ва омӯзиши кодрҳои ҳирфаӣ, омода ҳастанд.