Дар дидори мақомоти тоҷик ва Бонки аврупоии бозсозӣ ва тавсеа эълон шуд, ки ҳаҷми сармоягзории ин муассисаи молӣ дар Тоҷикистон дар 30 соли гузашта тақрибан ба як миллиард евро расидааст.
Қоҳир Расулзода, нахуствазири Тоҷикистон бо Удил Рену Босу, раиси Бонки аврупоии бозсозӣ ва тавсеа дидор ва гуфтугӯ кард.
Дар ҷараёни ин дидор таъкид шуд, ки тайи 30 соли ҳамкорӣ, ҳаҷми сармоягузории Бонки аврупоии бозсозӣ ва тавсеа дар Тоҷикистон тақрибан ба як миллиард евро расидааст.
Дар ҳоли ҳозир бо сармоягузории Бонки аврупоии бозсозӣ ва тавсеа дар Тоҷикистон 17 проект дар заминаҳои энергетика, ҳамлу нақл, таъмини об ва зерсохти Маскав ва хадамоти умумӣ ба маблағи 600 миллион доллар дар ҳоли иҷро аст.
Ду тараф дар бахши дигаре ҳамчунин муҳимтарин мавзуъҳои ҳамкории дуҷонибаро баррасӣ ва барои тақвияти ҳамгароӣ ибрози алоқа карданд.