Ба гуфтаи вазири умури хориҷаи Русия, Амрико бо ин роҳ талош дорад аз минтақаи Осиёи Марказӣ ҳамчун ҷабҳа дар муқобила бо Русия истифода кунад.
Иёлоти Муттадида барои пешгирӣ кардани муътадилшавии вазъият дар Афғонистон саъю кӯшиш доранд.
Дар ин бора Сергей Лавров, вазири умури хориҷии Русия, зимни суханронӣ дар пойгоҳи 201-уми Русия ҳангоми сафараш ба Душанбе изҳор дошт.
Ба ақидаи ӯ, бо ин роҳ Осиёи Миёнаро дар муқобила бо Русия ҳамчун ҷабҳа истифода карданист.
Вай гуфт:
“Ғарб пайваста самтҳои иловагиро меҷӯяд, ки бо он Русияро ба хашм оварад, ҷабҳаҳои “дувум” ва “сеюм” боз кунад. Яке аз ин “ҷабҳаҳо” дар баробари Закавказ эълон шудааст, то кунун паси парда, аммо ҳама медонанд, Осиёи Марказист, ки пас аз фирори эътилоф ба истилоҳ дар Афғонистон воқеаҳои хеле душвор рух медиҳанд”.
Вай қайд кард, ки сафири ИМА дар Тоҷикистон ахиран изҳор дошт, ки Амрико аз нерӯҳои зидди Толибон* пуштибонӣ кардан намехоҳад ва ба тамоми мардуми Афғонистон таманно дорад, ки ба созиш бирасанд ва мушкилоти амиқи аз ишғоли сисола меросмондаро аз байн баранд.
Лавров афзуд:
“Инҳо, агар нармтар карда гӯем, изҳороти бардурӯғанд. Маълум аст, ки ИМА ҳам аз ДОИШ* (ДИИШ, “Давлати исломӣ”, созмони террористӣ дар Русия ва Тоҷикистон мамнӯъ), ки дар Афғонистон боқӣ мондаанд ва ҳам аз Ал-Қоида* ва дигар сохторҳои марбут ба онҳо дар Афғонистон фаъолона пуштибонӣ мекунад”.
Ба гуфтаи вай, дар Афғонистон вазъи нооромие боқӣ мемонад, ки ба манфиати Иёлоти Муттаҳида аст.
Вазири Русия гуфт, Амрико бо ин роҳ талош дорад, ки “оби лой кардаву сипас дар он моҳӣ сайд кунад, дубора ба ин ҷо ворид шавад ва аз зиндагии худ ба кишварҳои минтақа монеъ шавад”.
Вазири дифои Русия дар нишасти Шӯрои вазирони дифои кишварҳои узви СПАД дар Минск аз дахолати Ғарб ба умури дохилии Афғонистон изҳори нигаронӣ кард.
Амрико ният дорад аз зарфиятҳои ҷангҷӯёни афғонистонӣ барои ноором кардани вазъ дар Осиёи Марказӣ истифода намояд.
Дар ин бора, вазири дифои Русия Сергей Шойгу дар нишасти Шӯрои вазирони дифои кишварҳои узви СПАД дар Минск изҳор дошт.
Вай гуфт:
“Таҳдиди асосӣ аз гурӯҳҳои мусаллаҳи ғайриқонунӣ аст, ки пас аз ба қудрат расидани толибҳо* мавқеъҳои худро дар ин кишвар ба таври қобили мулоҳиза таҳким бахшидаанд”.
Илова бар ин, вазири дифои Русия аз дахолати кишварҳои Ғарб ба умури дохилии Афғонистон изҳори нигаронӣ кард.
Шойгу қайд кард:
“Мо боварӣ дорем, ки Иёлоти Муттаҳида тасмим дорад аз зарфиятҳои ин созмонҳои террористӣ барои ноором кардани вазъ дар минтақа истифода кунад”.
Вай зикр кард, ки “бо ин мақсад интиқоли ҷангҷӯёни гурӯҳҳои назоратмешуда аз Ховари Миёна ба Афғонистон сурат гирифтааст”.
Шойгу таъкид кард:
“Дар оянда вуруди онҳо ба кишварҳои ҳамсоя, аз ҷумла, барои содир кардани амалҳои террористӣ имконпазир аст”.
Ба гуфтаи вай, бояд талошҳо дар самти Афғонистон ҳамоҳанг шавад.
Вай гуфт:
“Дар ин шароит мо муҳим медонем, ки таваҷҷуҳи зарурӣ ба машқҳои муштарак ва ҳам дар заминаи дуҷониба ва ҳам дар шаклҳои бисёрҷониба дода шавад”.
Дар ҳамин ҳол, Сергей Шойгу таъкид кард, ки “ба ҷои эҳёи Афғонистон пас аз хуруҷи фаврӣ аз Кобул, кишварҳои НАТО бо роҳҳои мухталиф талош доранд ҳузури низомии худро дар минтақаи Осиёи Марказӣ барқарор кунанд”.
Хулоса кард вазири дифои Русия:
“Мо инро як таҳдиди мустақим ба субот ва дар маҷмуъ ба тамоми фазои СПАД мешуморем”.
Қаблан вазирони дифои Русия ва Белорус санадеро имзо карданд, ки тартиби нигаҳдории силоҳи ҳастаии ғайристратегии Русияро дар як анбори махсус муайян мекунад.
Ба гуфтаи Шойгу, чораҳои татбиқшаванда “ба тамоми ӯҳдадориҳои ҳуқуқии мавҷудаи байналмиллалӣ мувофиқат мекунанд”.