Низомиддин Зоҳидӣ, зимни ибрози хурсандӣ ва сипос аз даъвати мақомоти кишвар ба унвони меҳмони вижа дар ин давра аз намоишгоҳ баён кард: Мо бо Ҷумҳурии Исломии Эрон дорои муштаракоти фарҳангӣ, таърихӣ, динӣ ва забонӣ ҳастем. Ин арзишҳои муштараки фарҳангӣ ва таърихӣ бистари бисёр муносибе барои таомулоти фарҳангӣ байни ду кишвар аст.
Вай ҳадафи Тоҷикистон аз ширкат дар ин давра аз намоишгоҳро тақвияти таомулот бар мабнои муштаракот байни ду кишвар донисту афзуд: Мо омода ҳастем дар ҳамаи барномаҳо ба таври комил ширкат кунем, ба ҳамин манзур китобҳои бисёре бо ҳайати тоҷикӣ ба Эрон оварадем.
Зоҳидӣ бо ишора ба интишори китоби донишномаи забони тоҷикӣ дар Тоҷикистон гуфт: Забони тоҷикӣ яке аз шохаҳои забони форсӣ аст ва аз ин рӯ, метавонем бигӯем, ин асари донишномаи забони форсӣ ҳам ҳаст. Дар назар дорем аз ин китоб дар яке аз рӯзҳои намоишгоҳ рӯнамоӣ кунем, ҳамчунин ният дорем як шоми шеърӣ низ бо аҳолии фарҳанги ҳар ду кишвар барпо кунем.
Вай идома дод: Андешаи мо ин аст, ки баргузории намоишгоҳ на танҳо бистаре барои тақвияти ҳамкориҳои ду кишвар аст, балки саҳнае барои рӯнамоӣ аз дастовардҳои моддӣ ва маънавии кишварҳои минтақа ва роҳандозии ҳамкориҳо дар ҳавзаи фарҳанг аст.
Ӯ зарфияти Анҷумани дӯстии Эрон ва Тоҷикистонро бештар аз иқдомоти ахир донисту афзуд: Ин анҷуманҳо ҳастанд, ки бояд пешгоми муносиботу ҳамкориҳо бошанд. Анҷумани пайванд дар Тоҷикистон дигар анҷумане аст, ки тавассути раисиҷумҳур Эмомалӣ Раҳмон таъсис шудааст.
Сафири Тоҷикистон дар Теҳрон дар идома бо изҳори хурсандӣ аз муштаракоти фарҳангӣ байни ду кишвар ва иттилои аҳолии фарҳанги ҳар ду тараф аз вазъияти фарҳангии якдигар гуфт: Хушбахтона аҳолии илму фарҳанги ҳар ду кишвар аз вазъияти фарҳангии якдигар огоҳ ҳастанд.