Ба гузориши ТоҷикПресс, мақолае аз донишгоҳи Калифорния (UCR), ки душанбе 17 апрел дар маҷаллаи Анҷумани пизишкии Амрико нашр шуд, масаълаи фақрро бо ҳудуди 183000 марг дар Иёлоти Муттаҳида дар соли 2019 дар миёни афроди 15 сол ва болотар муртабит донист.
Ин таҳлил нишон медиҳад, ки танҳо бемориҳои қалбӣ, саратону масрафи духониёти бештар аз фақр боиси марг дар ин кишвар мешавад. Фарбеҳӣ, диабети қанд, истеъмоли аз ҳад зиёди маводи мухаддир, худкушӣ, силоҳи оташфишон ва куштор аз ҷумлаи дигар сабабҳои маъмули марг мебошанд, ки нисбат ба камбизоатӣ камтар марговар буданд.
Дэвид Брэйди, нависандаи аршади ин таҳқиқот ва устоди сиёсати умумии UCR дар ин хусус мегӯяд: “фақр ба андозаи заволи ақл, садамаҳо, сиктаи мағзӣ, Алзаймер ва диабет мекушад. Фақр дар соли 2019 ҳудуди 10 баробар бештар аз ҳамаи қатлҳо кушта додааст.”
Ёфтаи дигар ин аст, афроде, ки бо фақр зиндагӣ мекунанд-касоне, ки даромади камтар аз 50 дарсад мутавассити даромади Иёлоти Муттаҳидаи Амрико доранд-пас аз вуруд ба 40 солагии худ бисёр бештар аз касоне, ки даромади кофӣ ва муносибтаре доранд мемиранд.
Ин таҷзияву таҳлили теъдоди марг сарчашма гирифта аз фақрро бо таҷзияву таҳлили додаҳои даромаде, ки тавассути муассисаи таҳқиқоти иҷтимоӣ дар донишгоҳи Мичиган нигаҳдорӣ мешавад ва додаҳои марги ҳосил аз назарсанҷиҳои хонавода метавон тахмин зад.
Ҳамчунин дар ин мақола омадааст, аз онҷое, ки бархе аз гуруҳҳои ақаллияти қавмӣ ва нажодӣ бештар дар фақр ҳастанд, натиҷаҳоҳо метавонад дарки нобаробариҳои қавмӣ ва нажодӣ дар умед ба зиндагиро беҳтар нишон диҳад.