Сафири Тоҷикистон дар Теҳрон эълон кард, ки Душанбе муҳимтарин шахсиятҳои фарҳангӣ ва ҳунарии худро ба Ҷумҳурии Исломии Эрон эъзом мекунад.
Низомиддин Зоҳидӣ, сафири Ҷумҳурии Тоҷикистон дар Теҳрон бо таъкид бар ин ки Душанбе муҳимтарин шахсиятҳои фарҳангӣ ва ҳунарии худро ба Эрон эъзом мекунад, баргузории ҳафтаи фарҳангии Тоҷикистон дар ҶИЭ-ро матраҳ кард.
Сафири Тоҷикистон дар ҶИЭ ва ду гурӯҳи ҳунарии намоишҳои “Фирдавсӣ” ва “Лаъли Бадахшон” аз Тоҷикистон, ки барои ширкат дар чиҳилумин Ҷашнвораи байналмиллалии театрии “Фаҷр” ба Эрон сафар карда буданд, зимни ҳузур дар Созмони фарҳангӣ ва иртибототи исломӣ бо Муҳаммадмаҳдии Имонипур, раиси ин созмон дидору гуфтугӯ карданд.
Зоҳидӣ дар ин дидор гуфт, ки бо иқдомоти муштараки ду кишвар зарфиятҳои мавҷуд ҷиҳати тавсеи равобити Тоҷикистон ва Эрон дар ҳамаи ҳавзаҳои мавриди эҳтимом дар оянда низ мавриди истифодаи самарабахш қарор хоҳанд гирифт.
Имонипур, Созмони фарҳангӣ ва иртибототи исломии ҶИЭ низ дар ин дидор гуфт, равобити Эрону Тоҷикистон дерина аст ва таомулоти фарҳангӣ ҳамвора барои Эрон аҳамияти бисёре дорад.
Раиси Сомзони фарҳангӣ ва иртибототи исломӣ ибрози умедворӣ кард, ки табодули ҳайатҳои фарҳангӣ ва ҳунарӣ байни Эрону Тоҷикистон идома ёбад, то аз тариқи он равобити хубе рақам бихӯрад.
Бо рӯи кор омадани Раисӣ, раисҷумҳури Эрон равоибит ду кишвар Эрону Тоҷикистон рӯ ба беҳбудӣ гароидааст ва дар арсаҳои мухталф ибрози алоқа барои густариши ҳамкориҳо кардаанд.