Теъдоди муҳоҷирони корӣ дар Русия афзоиш ёфтааст, вале онҳо чун пештара бо мушкилоти ҷиддӣ рӯбарӯ ҳастанд.
Сардори Раёсати муҳоҷирати меҳнатӣ ва ҳифзи иҷтимоии Комиссияи иқтисодии Авруосиё Олтиной Омурбекова изҳорот дар бораи даст кашидан аз ҷалби нерӯи кории хориҷӣ, ки қаблан аз ҷониби ноиби мири Маскав Андрей Бочкарев садо дод, шарҳ дод.
Омурбекова дар бораи вазъи муҳоҷирон дар чорчӯби нишасти маҷозии Маскав – Бишкек – Минск – Ереван – Нур-Султон сухан гуфт.
Вай гуфт :
“Шояд ин маънои онро дошт, ки дар робита ба автоматикунонии равандҳо ҷойҳои корӣ ихтисор карда мешаванд. Ин тавр ҳам бошад, вазифаи комиссияи мо аз он иборат аст, ки дар ташкили бозори мутамаддини меҳнат, ҷалби муташаккилонаи коргарон ва мондани онҳо дар кишварро фароҳам кунем”.
Соли 2021 ҷараёни муҳоҷирати меҳнатӣ нисбат ба соли 2020 се баробар афзоиш ёфтааст, ки ин ду баробар аз нишондиҳандаҳои соли пеш аз пандемия бештар мебошад.
Бо вуҷуди ин, муҳоҷирон аз кишварҳои Авруосиё пайваста бо мушкилоте рӯбарӯ мешаванд, ки будубоши онҳоро дар кишвар душвор мегардонанд. Масъалаи бақайдгирӣ, ба ҷавобгарии маъмурӣ кашидан ва суғуртаи тиббӣ мубрамтарини онҳост.
Мушкили аслӣ дар он аст, ки барои муҳоҷирон тайи 30 рӯз барои бархеи дигар дар муддати 14 рӯз, сабти ном кардан, мушкил аст ва на ҳама соҳибхонадорон омодаанд дар ин кор ба онҳо кумак кунанд.
Ба ин далел, пайгирӣ кардани иҷорагирони ғайриқонунӣ ва ба ҷавобгарӣ кашидани онҳо барои вайрон кардани қавонини муҳоҷират қариб ғайриимкон мегардад. Масъалаи дастрасӣ ба суғуртаи ҳатмии тиббӣ низ, боз боқӣ мемонад.
Пештар дар хабарҳо омада буд, ки :
Вазорати меҳнат ва муҳоҷирати Тоҷикистон дар Маскав ба тоҷикони корафтода кумаки ҳуқуқӣ пешниҳод мекунад.
Намояндагии Вазорати меҳнат, муҳоҷират ва шуғли аҳолии Тоҷикистон дар Русия барои муҳоҷирони тоҷик телефони боварӣ роҳандозӣ кард.
Дар ин бора аз хадамоти матбуотии ин ниҳод ба Sputnik Тоҷикистон хабар дод.
Гуфта мешавад, ин ташаббус ба хотири мусоидат ба ҳалли мушкилоти муҳоҷирони корӣ, сари вақт бартараф намудани мушкилоти онҳо, қабули дархости шифоҳӣ, расонидани ёрии ҳуқуқӣ роҳандозӣ шудааст.
Телефони боварӣ аз соати 9:00 то соати 18:00 ба вақти Маскав фаъолият намуда, ба дархостҳои муҳоҷирони меҳнатӣ мутахассисони соҳа дар чанд бахш посух медиҳанд. Муҳоҷирон тавассути рақами +7(495)9679844 метавонанд муроҷиат кунанд.
Таъкид шуд, ки мутахассисони соҳа вобаста ба масъалаҳои ҳифзи ҳуқуқи муҳоҷирони корӣ, танзими муносибатҳои корӣ, дарёфти ҷойи кори муносиб, баргардонидани музди меҳнат, шарҳи қонунгузории Русия пусох дода, ҳамзамон муроҷиати шифоҳии шаҳрвандонро қабул менамоянд.
Пештар намояндагии Вазорати меҳнат, муҳоҷират ва шуғли аҳолии Тоҷикистон дар Русия аз муҳоҷирони корӣ ва аъзои оилаи онҳо даъват карда буд, ки дар ҳолати ҳодисаҳои нохуш фавран ба мақомоти марбутаи Русия ва намояндагиҳои Тоҷикистон дар ин кишвар муроҷиат намоянд.
Вазорат шарҳ дод, ки агар узви оила ва пайвандони муҳоҷири корӣ, ки дар Русия қарор доранд, бедарак гарданд, зарур аст, ки онҳо фавран ба шуъбаи минтақавии пулиси маҳалли иқомати худ муроҷиат намоянд.