Ба гузориши хабаргузории “Ал-Аҳд”, “Муҳаммад Ҳамода”, узви аршади Ҷумбиши Муқовимати Исломии “Ҳамос”, суханонеро дар хусуси таҷовузоти режими саҳюнистӣ ба минтақаи Шайх Ҷарроҳ дар Қудси ишғолӣ матраҳ кард .
Бар асоси ин гузориш, вай дар ин хусус гуфт : мо ба ишғолгарони саҳюнист дарбораи авоқиби боз гузоштани дасти гурӯҳҳои шаҳрак нишин ба Фаластиниён дар минтақаи Шайх Ҷарроҳ ҳушдор медиҳем . Низомиёни режими саҳюнистӣ ва шаҳрак нишинон ҳаққи таҷовуз ба Шайх Ҷарроҳро надоранд .
Муҳаммад Ҳамода, дар идома афзуд : шаҳрак нишинони саҳюнист бо ҳимоят ва чароғи сабзи низомиёни ин режим муртакиби таҷовуз алайҳи сокинони Шайх Ҷарроҳ мешаванд . Агар ин иқдомот идома пайдо кунад шоҳиди вуқуъи интифозаи ҷадид хоҳем буд .
Гуфтани аст, ба дунболи даргириҳои ахир миёни саҳюнистҳо ва Фаластиниён дар Шайх Ҷарроҳ воқеъ дар Қудси ишғолӣ, 20 шаҳрванди фаластинӣ ба шиддат захмӣ шуданд . Гурӯҳҳои муқовимат ба саҳюнистҳо дарбораи тадовуми иқдомоти таҷовузкорона дар Шайх Ҷарроҳ ҳушдор додаанд .