Ба нақл аз маркази матбуотии ҳукумати Қирғизистон, вай дар муроҷиаташ гуфт, ки ба далели вазъи номуайяни пешомада дар робита ба шуруъи тафтиши фурӯши радиобасомадҳо истеъфо медиҳад ва намехоҳад, ин тафтишот монеи фаъолияти комили ҳукумат шавад.
Абилғозиев ҳамзамон афзуд, дар фурӯши басомадҳои радиоӣ нақше надорад ва айбҳое, ки нисбаташ садо медиҳанд, беасосанд.
Абилғозиев мегӯяд, мақомоти тафтишотӣ то кунун ӯро бозпурсӣ накардаанд.
Сарвазири Қирғизистон рӯзи 27 май дар пайи ҷанҷоли фурӯши радиобасомадҳо бо арзиши ночиз ба рухсатии кутоҳмуддат баромад.
Вай гуфт, ҳадаф аз ин рухсат “роҳ надодан ба овозаҳое дар бораи фишор овардани сарвазир ба ҷараёни тафтишот ва таъмини шаффофияти тафтишот аст.“
Айни ҳол Қубодбек Боронов, ноиби сарвазири Қирғизистон фаъолияти ҳукумати Қирғизистонро пеш мебарад.
Муҳаммадқулӣ Абилғозиев 20 апрели соли 2018 сарвазир таъйин шуда буд.