Ба гузориши “Азия плюс”, Фаридун Музаффар Ашӯриён дар нишасти хабарии масъулони ин вазорат дар шаҳри Душанбе гуфт, ин тарҳ пас аз мувофқати Вазорати дифоъ барои баррасӣ ба дафтари раёсати ҷумҳурии Тоҷикистон ироа шудааст ва тасмими ниҳоиро давлат ва парлумони ин ҷумҳурӣ мегиранд.
Вай афзуд, ибтидо пешниҳод шуда буд, ки давраи хидмати сарбозӣ дар нерӯҳои мусаллаҳи Тоҷикистон аз ду соли феълӣ ба як сол коҳиш ёбад, аммо бархе аз ниҳодҳои марбута бо ин тарҳ мухолифат карданд.
Аз дидгоҳи коршиносон, ба далели вуҷуди нобасомониҳои зиёд, аз ҷумла авзои ногувори маишатӣ ва ахлоқӣ дар артиши Тоҷикистон, ки муҷиби фирори ҷавонони воҷид шароити хидмати сарбозӣ аз нерӯҳои мусаллаҳ мешавад, ислоҳот дар қонуни хидмат дар артиши ин кишвар илзомӣ аст.
Аз сӯйи дигар, ҳамасола дар Тоҷикистон дар раванди ҷазби иҷбории ҷавонон ба хидмати сарбозӣ афрод маълул ва бемор низ ба артиш ҷазб мешаванд, ки мушкилотеро барои онон фароҳам мекунад.
Аз нигоҳи коршиносон, яке аз далоили умдаи фирори ҷавонон аз хидмати сарбозӣ дар Тоҷикистон ва рафтани онон ба Русия барои кор, вуҷуди мавориди зиёди латукӯби сарбозони тозаворид аз сӯи ҳамқаторони онон аст, ки дар солҳои ахир дар мавориде ба қатл ва маълулияти ин афрод анҷомидааст.
P.V: Ба назар мерасад коҳиши хидмати сарбозӣ аз ду сол ба якуним сол масалаеро ҳал намекунад. Барои онки ҷавонон ба кишвар ва сарзамини худ хидмат кунанд бояд шароит ва имконоти беҳтарӣ фароҳам гардад, то алоқаманд ба хидмат шаванд ва гарна бо ин навъ кам кардани чанд моҳи хидмат масалаӣ ҳал нахоҳад шуд.
Аз сарбозони вафодор бояд ҳимоят ва мавриди ташвиқ ва тарғиб қарор гиранд на инки сарбозе кори худро ба хуби дар марз анҷом додааст мавриди танбиҳ ва таҳқир қарор гирад. Бештар набуди имконоти дуруст, хурду хурок, лату куб ва азиятҳои бе маврид аст, ки сабаб гашта то ҷавонон тамоюл ба хидмат надошта бошанд ва тамоми ин шароит фароҳам гардад ба назар мерсад ҷавонони кишвар аз хидмат кардан ба ватан истибол ва ифтихор мекунанд