Ин идда аз таҳлилгарон мегӯянд, пас аз дидори писари Эмомалӣ Раҳмон бо Владимир Путин ва Шавкат Мирзиёев, раисони ҷумҳурии Русия ва Узбакистон, мумкин аст Рустами Эмомалӣ бо раисҷумҳури Чин низ дидор дошта бошад, ки ба назар мерасад ин дидорҳо дар ростои муаррифии вай ба унвони ҷонишинии оянда дар қудрат бошад.
Рустами Эмомалӣ, шаҳрдори Душанбе ва фарзанди раисҷумҳури Тоҷикистон ҳафтаи гузашта дар як сафари расмӣ ба Тошканд рафт. Илова бар шаҳрдори пойтахти Узбакистон – Ҷаҳонгир Ортиқхоҷаев, раисҷумҳур Шавкат Мирзиёев низ бо вай дидор кард.
Ба гуфтаи коршиносон, аз дидор бо раисҷумҳури Узбакистон метавон ҳадс зад, ки масири эҳтимолии қудрат дар ҳоли ҳамвор шудан бошад. Тибқи гузоришҳо, вай пеш аз ин ба Владимир Путин, раисҷумҳури Федератсияи Русия низ муаррифӣ шудааст.
Коршиносон ҳамчунин мегӯянд, худи дидори Рустами Эмомалӣ дар Тошканд ва музокироти вай бо шаҳрдори Тошканд – Ортиқхоҷаев метавонист як рӯйдоди комилан оддӣ талаққӣ шавад, агар раисҷумҳури Узбакистон бо шаҳрдори Душанбе дидор намекард. Акнун эҳтимолан, бояд мунтазири дидори зудҳангоми вай бо раисҷумҳури Чин буд.
Азҷумла мавориди дигари интихоби Тошканд баъд аз Маскав, барои муаррифӣ ба таври ғайримустақим мумкин аст нишонгари ин бошад, ки дар сурати интиқоли эҳтимолии қудрат, рӯйи ҳамкории тӯлонимуддат бо Узбакистон ҳисоб боз хоҳад шуд.
Коршиносони сиёсӣ ҳамчунин изҳор медоранд, ки фароянди интиқоли қудрат ҳамеша эҳтимоли адами таодули системаи сиёсӣ ва ғайриқобили пешбинӣ будан дар рафтори гурӯҳҳои нухбаи сиёсии ҷудогонаро дар пай дорад, ки ин амр ба вижа дар мавриди низомҳои шахсисозишуда содиқ аст.
Яке аз мавзӯоти ғайрипешбинии дигар мумкин аст масъалаи коргарони муҳоҷир бошад, ки ҳамеша бо мушкилоти хосе рӯ ба рӯ будаанд. Ин бор мушкил марбут ба ҳаволаҳои интиқоли пул аст. Ахиран мушаххас шуд, ки Тоҷикистон ба системаи ҷадиде рӯй овардааст, ки шомили куллияи пардохтҳо ва нақлу интиқолот танҳо аз тариқи маркази пардозиши Бонки Миллӣ аст.
Рустами Эмомалӣ, писари бузурги Эмомалӣ Раҳмон дар ноябри соли 2013, дар синни 26 солагӣ ба идораи давлатӣ дар сатҳи боло ҷалб шудааст. Дар соли 2013 сардори Хадамоти гумруки вобаста ба ниҳоди раёсатҷумҳурии Тоҷикистон таъйин шуд ва соли 2014 дараҷаи генерал – майорро соҳиб шуд. Аз соли 2015 то соли 2017 раёсати Ожонси давлатии мубориза бо фасоди молии Тоҷикистонро бар уҳда дошт. Дар январи соли 2017 ба симати шаҳрдори пойтахти Тоҷикистон мансуб шуд. Тайи ин муддат Рустами Эмомалӣ на танҳо таҷрибаи мудирияти давлатиро касб кардааст, балки бо намояндагони сохторҳои байналмилалӣ, бо сиёсатмадорони хориҷӣ ва ҳатто сарони кишварҳо низ ошно шудааст. Соли 2018 Эмомалӣ Раҳмон нишони давлатии “Зарринтоҷ” – ро ба хотири сахткӯшии вай, ба хусус дар амри ободонии шаҳри Душанбе, ба ӯ эҳдо кард.